A Secretaría Xeral da Emigración recorda ás mozas e mozos galegos do exterior que conten cunha formación universitaria  que dende o pasado xoves, día 3 de febreiro, está aberta a nova convocatoria de Bolsas de Excelencia Mocidade Exterior - BEME para facer un máster o próximo curso nas universidades galegas.

Manuel Silva, estudante bolseiro BEME da Universidade de Vigo na actualidade, natural de Cambados e retornado de Guatemala, anima neste vídeo, https://youtu.be/_XGwlPl_lKY, aos posibles candidatos e candidatas a presentarse a estas bolsas que permiten mellorar a súa formación en Galicia de cara á busca dun futuro emprego.