GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Servizos Sociais realizou en Lalín 2.433 intervencións o ano pasado

(10/01/2022)

Servizos Sociais realizou en Lalín 2.433 intervencións o ano pasado

 

Rocío Ramos LALÍN / LA VOZ

 

 

Do total, 347 corresponderon a axudas económicas públicas de pagamento único

 

08 ene 2022 .

 

A tenente alcalde e concelleira de Servizos Sociais de Lalín, María Paz Pérez Asorey, cifra nun total de 2.423 as intervencións realizadas ao longo do pasado ano por este departamento. Dese global, o 21,79 % das intervencións realizadas foron por expedientes e cuestións relacionadas coas familias sumando un total de 528 actuacións. Destas, o 18 %, o que supón 452, foron sobre persoas maiores e o 12 %, 301, en relación a persoas con discapacidade. Estes foron, apunta a edila, os tres conceptos que máis atencións e intervencións requiriron. Son os datos, apuntan desde o Concello, que figuran no servizo de xestión e información de Servizos Sociais de titularidade autonómica. A estas séguenlles en número as xestións realizadas con emigrantes retornados ou que solicitaron algunha xestión e que sumaron 198 actuacións, o que supón un 8 % do total.

 

 

As 2.423 actuacións levadas a cabo beneficiaron a 2.690 persoas. O 57 % dos que pasaron por estas instalacións municipais lalinenses foron mulleres e o 42 % xestións solicitadas por homes.

 

 

A elas séguenlles 159 tramitacións relacionadas coas pensións, os 195 de expedientes derivados de recursos e servizos internos do sistema de Servizos Socias e as 208 xestións sobre axudas económicas públicas periódicas que se tramitaron.

 

 

En canto á orixe dos demandantes deste servizo, o primeiro posto ocúpano persoas de orixe alxerina que sumaron 89 intervencións, ás que lles seguen 79 de usuarios orixinarios de Venezuela, 71 de Marrocos e 67 de Colombia. Foron 34 do Brasil, 21 de Portugal e 20 da República Dominicana.

 

 

Novas e Actualidade


Titulares
Histórico


 ACTIVIDADES

Marzo 2024
LMMeXVSD
    123
45678910
11121314151617
18192021222324
25262728293031
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas