(26/11/2021)
As embaixadas atenderon 206 casos de violencia de xénero contra españolas no exterior no que vai de ano
Crónicas da Emigración
Redacción, Vigo | 25 de novembro de 2021
Protocolo para a atención das vítimas de violencia de xénero
Con motivo do Día Internacional contra a Violencia cara ás Mujeres, o Ministerio de Asuntos Exteriores, Unión Europea e Cooperación lembrou que conta cun protocolo de actuación para a atención ás mulleres españolas no exterior vítimas de violencia de xénero. No que vai de ano, as embaixadas e consulados españois xa atenderon 206 casos de violencia de xénero contra españolas no exterior e repatriaron a 11 mulleres e 10 menores.
En 2020, as embaixadas e consulados atenderon un total de 260 casos de violencia contra a muller. Nese mesmo ano, o Ministerio repatriou a 20 mulleres españolas e 15 menores.
O protocolo publicado polo Ministerio consta de dez puntos:
1. “Podemos acompañarte ou asistirte para poñer unha denuncia.
2. Orientarémoste sobre os servizos médicos, sociais e legais á túa disposición no país no que esteas.
3. Faremos xestións sobre o teu caso e coordinarémonos coas autoridades locais.
4. Xestionaremos que un sicólogo español poida darche unha primeira axuda a distancia.
5. Velaremos por que non resultes discriminada pola túa condición de estranxeira.
6. Podemos outorgarche unha axuda asistencial extraordinaria, en consideración á túa situación persoal, económica e familiar.
7. Dispoñeremos de información para o público con teléfonos e direccións útiles en materia de violencia de xénero.
8. Podemos darche asistencia consular e repatriarte a España.
9. Coordinarémonos coa Delegación do Goberno para a Violencia de Xénero para atender o teu caso unha vez chegues a España.
10. E lembra, podes chamarnos ao teléfono de emerxencia 24 horas se o necesitas”.
As vítimas de violencia de xénero no estranxeiro poden chamar ao teléfono de emerxencia da súa demarcación consular:
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas