A Cruz de Lampedusa ou a traxedia da inmigración

(16/11/2021)

A Cruz de Lampedusa ou a traxedia da inmigración

Traslado da Cruz de Lampedusa desde a igrexa ao salón parroquial de Caleiro. Noé Parga


A. G.
A Illa | 16·11·21 | Faro de Vigo


A traxedia da inmigración subsahariana rega de cadáveres o mar Mediterráneo, de persoas que acabaron afogadas buscando unha vida mellor, un soño que se truncou e acabou en traxedia en demasiadas ocasións, sobre todo, nas proximidades da illa italiana de Lampedusa. Foi nese marco onde xurdiu a Cruz de Lampedusa, un elemento que se converteu nun símbolo da solidariedade cos migrantes que soñan con chegar a Europa. A cruz está esta semana nas parroquias de Santa María de Caleiro (Vilanova), na de San Xulián da Illa e na de Santa Mariña de Cambados para que todos os fregueses participen nos actos que se van a celebrar ao redor dela.

A Cruz de Lampedusa foi elaborada polo artista Franceso Tuccio con restos dunha das barcazas que naufragou o 3 de outubro de 2013. Nela viaxaban medio centenar de persoas, sendo rescatadas 155 e falecendo unha cifra próxima ás 360. O ocorrido causou unha profunda conmoción en Italia e Tuccio decidiu elaborar esta cruz para honrar e lembrar aos falecidos. En abril de 2014, a cruz foille mostrada ao Papa, que a bendixo coa condición de que viaxase por todo o mundo denunciando o que ocorría no Mediterráneo e solidarizándose cos inmigrantes. 

Fregueses de Caleiro durante o acto de recepción da Cruz de Lampedusa. Noé Parga


Desde entón está a dar voltas ao mundo e visitou a comarca do Salnés a principios deste mes, facendo parada en San Miguel de Deiro (Vilanova), Padriñán (Sanxenxo) e San Martiño do Grove.

O cura párroco de San Xulián da Illa, David Álvarez, recoñecía onte que “se trata dunha talla única no mundo cun significado moi importante”. É por iso que, na súa parroquia, onde permanecerá mañá e o xoves, organizouse unha vixilia de oración na que se implicaron os máis novos, aínda que “está aberta a todo o mundo”. En Caleiro, onde está desde onte, organizouse unha procesión desde a igrexa ata o salón parroquial, onde participaron un bo número de fregueses.