«O camiño cara a emigración de Rosalía» gaña o festival de xardíns de Allariz

(16/11/2021)

«O camiño cara a emigración de Rosalía» gaña o festival de xardíns de Allariz

La Voz

Santi M. Amil

 

O próximo certame versará sobre a importancia das zonas verdes na saúde mental e física das persoas

15 novs 2021 .

A proposta «O camiño cara a emigración de Rosalía» foi a máis votada polo público na edición número once do Festival Internacional de Xardíns de Allariz. Os autores do deseño pertencen a Arquiterras formado por Sara do Río, Johnatan Carreira e Ana Barxa. Recibiu o 40,74 % dos votos. O segundo lugar, co 13,27 %, foi para «A poesía das Cousas»; e o terceiro para «Un xardín futurista». A alcaldesa de Allariz , Cristina Cid, sinalou: «É unha edición moi valorada polo público e con moita actividade ao seu redor». Visitaron o festival ao redor de 35.000 persoas que deixaron uns ingresos de máis de 33.000 euros. Segundo destacan desde o Concello, o festival  converteuse nun referente para o mundo da empresa do paisaxismo.