Concello da Laracha

 

A Fundación A Caixa achega ao Concello da Laracha 5.000 euros para cofinanciar o programa «A Laracha acolle», que persegue a inclusión social e cultural das persoas inmigrantes e, máis concretamente, do colectivo prioritario das mulleres.

Este programa componse de dúas liñas: un taller de alfabetización nas linguas oficiais de Galicia, por unha banda, e un espazo para o coñecemento dos costumes, funcionamento e valores da sociedade de acollida, así como de intercambio e socialización.