Confeccionada para lembrar a morte de 360 inmigrantes nas costas italianas, a Cruz de Lampedusa recalou no colexio Divino Mestre da Pobra. Trátase dunha figura de case tres metros de altura e 60 quilos de peso, confeccionada por Francesco Tuccio con restos do naufraxio. Co gallo da súa chegada, os estudantes asistiron a charlas sobre o drama da migración e a necesidade de darlle respostas solidarias.