(24/08/2021)
VIGO / LA VOZ
24 ago 2021 .
O Concello de Vigo está preparado para acoller a refuxiados afgáns que foxen do país tras a irrupción do réxime talibán. Farao no marco da rede de municipios de acollida a refuxiados, un organismo creado pola Federación Española de Municipios e Provincias.
O alcalde, Abel Caballero, reunirase mañá coa ministra de Política Territorial, Isabel Rodríguez, para ofrecer ao Goberno de España, «o apoio e a colaboración da FEMP e da súa rede de municipios de acollida de refuxiados. Caballero destacou que, desde as entidades locais, «queremos darlle un apoio especial aos afgáns, especialmente ás mulleres e aos seus fillos, dado que a acometida do réxime talibán fai presaxiar o peor para eles».
Liderado
Caballero afirma que as entidades locais volverán asumir unha posición de liderado ante esta crise humanitaria. Destacou que España xogará un papel esencial porque será a encargada de acoller e tamén a porta de entrada a Europa dos fuxidos de Afganistán.
A rede de axuda traballa en colaboración con entidades como a Comisión de Axuda ao Refuxiado, a Asociación Católica de Inmigrantes, Cruz Vermella ou a Fundación Acnur.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas