O Concello de Barreiros ofrécese para acoller refuxiados de Afganistán

(23/08/2021)

O Concello de Barreiros ofrécese para acoller refuxiados de Afganistán

Ana Ermida, alcaldesa de Barreiros PEPA LOSADA

O goberno local informou á Fegamp de que conta con espazos como as escolas de Gondán e San Xusto ou as vivendas de mestres de San Miguel

20 ago 2021 .

O Concello de Barreiros ofreceu á Fegamp a posibilidade de acoller refuxiados procedentes de Afganistán en instalacións de titularidade municipal.

O goberno local respondeu a solicitude da Federación Galega de Municipios e Provincias ofrecendo as escolas de Gondán e San Xusto, espazos que se utilizaban como albergues de peregrinos pero hoxe en desuso dado que non cumpren con todas as esixencias para esta funcionalidade. 

«Estamos no mundo para ser solidarios e as administracións debemos ser as primeiras en dar exemplo nunha situación tan dramática como a que se está a vivir en Afganistán», indica a alcaldesa, Ana Ermida.