(17/08/2021)
SANTIAGO / LA VOZ
17 ago 2021 .
Con máscara , pero coa mesma ilusión con que viven cada ano a xornada que lles dedica nas súas festas patronais o municipio que un día deixaron atrás pero que nunca se afastou dos seus corazóns, os emigrantes de Ordes participaron onte na homenaxe ao colectivo. O matrimonio formado por Pilar Liñares e Tony Rey , emigrado desde a súa mocidade a Londres , foi o distinguido nesta ocasión. Rey leu a ofrenda na misa de San Roque, cun recordo para os emigrantes da comarca ordense e tamén para «os inmigrantes que, chegados doutras culturas e moitos deles procedentes doutros países, tratan de atopar aquí mellores esperanzas de futuro». Non obviou a pandemia do coronavirus, co agradecemento a gobernos, sanitarios e investigadores, cuxo traballo conxunto propiciou a xeneralización das vacinas.
Tamén aludiu ao Brexit: «Experimentamos como as diferentes correntes políticas interfiren nas relacións entre o Reino Unido e os países da Unión Europea, pero tamén sentimos a esperanza de que chegarán novos tempos de harmonía», dixo.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas