(20/07/2021)
REDACCIÓN / LA VOZ
20 jul 2021 .
Mariano pon cara de circunstancias cando se lle pregunta pola longa lista de premios que atesoura. «Son moi esixente e sempre digo iso de bo, ‘pero non quedamos de primeiros'». Ao seu lado ri Maribel, a súa compañeira de vida e o outro cerebro de Dúas Marías Arte Fotográfica. Os seus traballos, realizados desde o corazón do rural ourensán, suman máis dunha ducia de premios internacionais. Desde os Cosmo Awards aos WPW Awards International Photography.
Certames con xurados especializados que recoñeceron o particular dos seus retratos. «Os premios chegaron cando máis os necesitabamos e dannos forza. Co confinamento todo se acabou así que podemos dicir que ter un proxecto artístico é unha valentía», explica Maribel.
«Viñamos de mundos moi distintos. Eu estudei dereito xurídico empresarial e estiven a traballar en planificación fiscal internacional en grandes empresas, pero tiven unha crise a todos os niveis». Ese conflito vital levou a Maribel á India e incluso a traballar como voluntaria coas misioneiras da caridade. Tamén ao ioga e á meditación. Mariano traballou como director de arte nunha axencia de publicidade pero, por unha carambola, pasou 14 anos como tripulante de Aeroliñas Arxentinas.
O dramatismo das obras, como xoga coa luz, tocounos moito». Esa anécdota supuxo un antes e un despois. A súa primeira modelo foi a súa cuñada. O segundo, e máis especial, o avó de Maribel, Tato, de 101 anos. «Está cheo de vida, vive só e foi cazador. Cando ensinamos aquela foto, a xente emocionábase. Así xurdiu a idea de abrir o estudo». Era o ano 2019 e a foto de Tato chegou tan lonxe que este centenario ourensán vai formar parte dun traballo de National Geographic que retratará a lonxevidade ao longo de todo o país. «Facemos retratos creativos, corporativos e books. Desprazámonos, pero recomendámoslle á xente que veña aquí a vivir a experiencia. Buscamos a intimidade coa persoa.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas