GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Emigrantes retornados comparten a súa experiencia no IES As Mariñas

(08/06/2018)

Emigrantes retornados comparten a súa experiencia no IES As Mariñas

 

         Os estudantes de 4.º da ESO viviron dúas xornadas cos voluntarios 

 

.

Pilar Roel, que viviu en Alemaña, comenta cos estudantes unha fotografía da emigración.

 

CESAR DELGADO



Global Galicia
[ c. delgado]
07/06/2018

 

Durante a xornada, que se produciu dentro do marco do programa Fálame da emigración promovido polo Espazo + 60 de Afundación, os voluntarios charlaron cos alumnos para facelos partícipes dos seus anos de vida no estranxeiro. Alemaña, Francia, Venezuela e Suíza foron os destinos que acolleron aos protagonistas do proxecto durante a década dos 60 e 70. Historias de vida diferentes co obxectivo de que os mozos coñezan todas as caras do que leva a emigración, o positivo e o negativo.

No caso de Elena, ela non viviu en primeira persoa a emigración, pero si as súas consecuencias. Os seus recordos non son positivos, xa que con doce anos tivo que facer fronte á marcha do seu pai que se embarcou rumbo a Venezuela. Unha circunstancia que provocou que Elena non tivese contacto con el durante 44 anos nos que o proxenitor enviaba diñeiro a casa de forma regular.

Ademais, máis tarde a súa nai tamén se viu obrigada a marcharse, neste caso a Londres, para buscar traballo e mellorar as condicións familiares. Anos máis tarde os pais de Elena regresaron, pero ela xa crecera. «A familia debería estar sempre unida e nós, como tantos outros, perdémosnos iso pola emigración», expón.

Pola súa banda, Pilar representa a outra cara da moeda. Ela marchouse a Alemaña porque «quería gañar diñeiro. Oíra historias de veciños que se foran, íballes moi ben e quixen probar», relata. Alí estivo doce anos. «Casei e tiven aos meus fillos. Fomos moi felices», explica. Entre os motivos polos que volveu estaba «a crise económica que sufriu o país». «Os españois empezamos a ser mal vistos porque crían que lles quitabamos o traballo aos locais e trasladáronme a España», explica.

Alumnos chegados do estranxeiro narran as súas vivencias

 

Un dos obxectivos que persegue o programa Fálame da emigración é crear unha relación interxeracional entre maiores e mozos. Por iso, dentro do proxecto anímase tamén aos estudantes para compartir as súas vivencias cos voluntarios do proxecto.

No caso do encontro mantido no IES As Mariñas varios estudantes procedentes de países estranxeiros narraron o cambio que supuxo para eles o cambiar de país. Por unha banda, Franz Carro chegou a España desde Filipinas onde vivía. «Estaba nunha especie de centro de acollida ata que me adoptou unha familia española», relata. O mozo confesa que durante a viaxe «paseino fatal porque non quería vir», pero que agora «gústame todo o de aquí, estou moi contento».

Xunto a el está a súa compañeira Jannet, de Bolivia. Para ela, abandonar o seu país tamén foi unha experiencia dura. «Galicia gústame moito, pero estraño o meu país», comenta. No seu caso, primeiro mudáronse os seus pais e unha vez asentados e con traballo viñeron ela e a súa irmá. A pesar de manifestar que aquí é feliz, ten claro que «cando acabe o bacharelato quero ir estudar á universidade ao meu país, os meus pais están de acordo», expón.

 

 

Novas e Actualidade


Titulares
Histórico


 ACTIVIDADES

Xuño 2018
LMMeXVSD
    123
45678910
11121314151617
18192021222324
252627282930 
       

CURSO DE FORMACIÓN DE AXENTES SOCIAIS PARA A INTEGRACIÓN DE PERSOAS REFUXIADAS 16/07/2018-20/07/2018

 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas