GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Bugallo ve intencionalidade ideolóxica na desfeita dunha exposición sobre inmigrantes: "Non parece vandalismo"

(22/06/2021)

Bugallo ve intencionalidade ideolóxica na desfeita dunha exposición sobre inmigrantes: "Non parece vandalismo"

 

20 M EPNOTICIA21.06.2021 -


O alcalde de Santiago, Xosé Sánchez Bugallo, considera que existen razóns ideolóxicas detrás do ataque a unha exposición sobre inmigrantes instalada no parque da Alameda, onde foron esnaquizados catro paneis que recollían os nomes de 45.000 persoas que perderon a vida tentando chegar a Europa.


Bugallo ve intencionalidad ideológica en el destrozo de una exposición sobre inmigrantes: "No parece gamberrismo"
Bugallo ve intencionalidade ideolóxica na desfeita dunha exposición sobre inmigrantes: "Non parece vandalismo"20 M EP


Nunha rolda de prensa celebrada este luns, o rexedor compostelán confirmou que se está investigando o incidente para tentar identificar os responsables dun ataque que, segundo Bugallo, "non parece froito de vandalismo" ou de "unha acción circunstancial de alguén que saíu de festa".

Neste sentido, o alcalde cre que o feito de que só se esnaquizasen os catro módulos que recollían os nomes das vítimas e non o resto de paneis da mostra organizada pola Unidade de Atención ás Migracións (UAMI) nin na exposición sobre Protección Civil (ambas comparten espazo na Alameda) revela que os individuos que realizaron este acto vandálico eran "conscientes" do que facían.

"É un asunto que nos debe facer enfadar a todos", aseverou Bugallo, que tachou de "vergoñoso" e "miserable" un ataque que espera que "sirva para reforzar a consciencia" sobre as consecuencias da xenofobia "e o desprezo aos demais".

"Se hai algún sitio no que é miserable facer isto é Galicia, onde cada ano 7.000 mozos galegos aínda teñen que emigrar", engadiu o rexedor, que recoñeceu que o proceso de investigación presenta dificultades por producirse nunha noite "escura" e "chuviosa".

Así as cousas, o goberno local, que quere promover unha declaración institucional en pleno para condenar o incidente, traballa na reparación dos módulos para inaugurar a exposición este xoves e baralla a posibilidade de incorporar un servizo de vixilancia.

 

 

Novas e Actualidade


Titulares
Histórico


 ACTIVIDADES

Marzo 2024
LMMeXVSD
    123
45678910
11121314151617
18192021222324
25262728293031
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas