O 30 de xuño finaliza o prazo extraordinario para que os pensionistas no estranxeiro presenten a fe de vida

(22/06/2021)

O 30 de xuño finaliza o prazo extraordinario para que os pensionistas no estranxeiro presenten a fe de vida

                   Este documento é obrigatorio para seguir cobrando a prestación

Redacción Madrid 21 de xuño de 2021

O próximo 30 de xuño finaliza o prazo extraordinario para que aquelas persoas que perciban unha pensión da Seguridade Social española presenten a fe de vida. A presentación deste documento é obrigatoria para seguir cobrando a prestación.

Normalmente este prazo finalizaba o 31 de marzo, pero este ano, por mor da pandemia, o Instituto Nacional da Seguridade Social (INSS) decidiu amplialo ata o 30 de xuño de 2021.

As certificacións de fe de vida e estado expídenas os consulados xerais de España, mediante comparecencia do interesado. Ademais, existen outros documentos válidos para acreditar a vivencia que varían en función do país de residencia polo que é recomendable informarse nas páxinas web dos consulados correspondentes ou nas das consellerías de Traballo.