GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Aparece esnaquizada a mostra do Concello de Santiago para visibilizar a situación dos refuxiados

(21/06/2021)

Aparece esnaquizada a mostra do Concello de Santiago para visibilizar a situación dos refuxiados

 

Xurxo Melchor SANTIAGO DE COMPOSTELA

 

Xoán A. Soler

O goberno local tacha de «xenófobo» o ataque porque foi selectivo contra a exposición dos inmigrantes

 

LA Voz 20 jun 2021 .

 

A exposición aberta no paseo central da Alameda coa que o Concello de Santiago quería visibilizar a situación das persoas refuxiadas amenceu completamente esnaquizada. A Policía Local atopouse ata sete cubos rotos no que desde o goberno local, do PSdeG-PSOE, non se dubidou en cualificar como un ataque «xenófobo» porque foi absolutamente selectivo e non danou a outra mostra que estes días ocupa este parque, a da agrupación local de Protección Civil.

 

A vicealcaldesa compostelá, Mercedes Rosón, fíxose eco das desfeitas no seu perfil de Twitter sinalando que o incidente «non é vandalismo, é xenofobia».

 

O ataque prodúcese ademais no mesmo día no que se celebra o Día Mundial das Persoas Refuxiadas, que é precisamente o motivo polo que desde a concellaría de Políticas Sociais, que dirixe Mila Castro, quíxose pór en marcha esta iniciativa, na que traballou a Unidade de Atención ás Migracións (UAMI) en colaboración con a Rede Galega de Apoio ás Persoas Refuxiadas.

 

O BNG de Santiago tamén mostrou o seu rexeitamento aos danos causados á mostra sobre a situación dos refuxiados e no perfil de Facebook da agrupación local sinalou que «cómpre unha maior sensibilización, tolerancia e integración e decatarse de que vivimos nun país onde milleiros de persoas teñen que emigrar cada ano».

 

 

 

A mostra detalla a relación das 40.555 persoas que, segundo os datos oficiais dos que se dispón, faleceron desde 1993 ata hoxe por distintas causas, pero todas elas vinculadas aos procesos de migración e desprazamento.

 

 

Novas e Actualidade


Titulares
Histórico


 ACTIVIDADES

Setembro 2021
LMMeXVSD
  12345
6789101112
13141516171819
20212223242526
27282930   
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas