Pedro Sánchez reunirase coa colectividade española en Arxentina o 9 de xuño na Embaixada en Buenos Aires

(09/06/2021)

Pedro Sánchez reunirase coa colectividade española en Arxentina o 9 de xuño na Embaixada en Buenos Aires

Previamente participará nunha homenaxe aos españois desparecidos no país durante a ditadura

España Exterior

Redacción Buenos Aires 08 de xuño de 2021

O presidente do Goberno, Pedro Sánchez, manterá un encontro cunha representación da colectividade española en Arxentina na Embaixada de España en Buenos Aires o mércores 9 de xuño a partir das cinco da tarde (hora local de Buenos Aires, 22.00 horas hora local de España).

Previamente, participará nunha homenaxe aos españois desaparecidos durante a ditadura en Arxentina que terá lugar nos xardíns da mesma Embaixada. Antes de chegar á Embaixada, Sánchez visitará a Escola de Mecánica da Armada (ESMA), hoxe Museo Sitio da Memoria.

A visita do titular do Executivo español comezará á 10.30 hora local cun encontro co presidente arxentino, Alberto Fernández, na Casa Rosada. Logo, ambos os mandatarios trasladaranse ao Museo Histórico, na mesma Casa Rosada, onde terá lugar o Foro Empresarial Arxentina-España e no que pronunciarán as palabras de clausura.

Posteriormente reuniranse os dous presidentes e logo asinaranse diversos acordos de cooperación entre ambos os países.

Antes de finalizar a xornada, Pedro Sánchez partirá rumbo a Costa Rica onde permanecerá ata o día 11 de xuño.