GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Emigración renova o seu espazo dedicado ao Fondo de Proxectos Culturais Xacobeo 2021 con contidos relacionados co Día das Letras Galegas

(25/05/2021)

Emigración renova o seu espazo dedicado ao Fondo de Proxectos Culturais Xacobeo 2021 con contidos relacionados co Día das Letras Galegas

Esta semana descubriremos a música clásica dedicada a Xela Arias a través do violonchelo de Margarida Mariño, acercaremos o galego ás e aos máis cativos cos monicreques de Óscar Ferreira, a toponimia no Camiño de Santiago, e o patrimonio cultural galego dun edificio con moita historia: o Castelo de Santo Antón.

 

Pódense contemplar na páxina de GaliciaAberta a través de catro contedores: Xacobeo, Ciencia e historia galega, Música e Artes escénicas.

 

A violenchelista viguesa Margarida Mariño ponlle música e voz aos versos de Xela Arias 'Tigres coma cabalos'

A violenchelista viguesa Margarida Mariño ponlle música e voz aos versos de Xela Arias 'Tigres coma cabalos'

 

Listen to this page using ReadSpeaker
 

Santiago de Compostela, 25 de maio de 2021.

 

A Secretaría Xeral da Emigración segue a difundir, a través da súa plataforma web (GaliciaAberta – https://emigracion.xunta.gal), os contidos audiovisuais do Fondo de Proxectos Culturais Xacobeo 2021, co obxectivo de que as galegas e os galegos do exterior poidan desfrutar destes contidos musicais, culturais e cinematográficos que lles acerquen máis a Galicia.

 

Nesta ocasión, e aproveitando a recente celebración do Día das Letras Galegas, volvemos a achegarnos ata Xela Arias para, a través do violonchelo de Margarida Mariño, dedicarlle unha homenaxe musical á protagonista deste ano, coa interpretación titulada Tigres coma cabalos.

 

No capítulo de Ciencia e historia galega achegámonos ao patrimonio cultural galego a través dun edificio con moito que contar: o Castelo de Santo Antón da Coruña. Así, a curta, Castelos que danzan de Artestudio Xestión Cultural, mestura a danza, a arquitectura e o patrimonio cultural galego, creadas á medida para cada espazo e cada recuncho deste emblemático lugar.

 

No eido do Xacobeo, xa é posible coñecer O Camiño Francés a través da súa toponimia, de Suseia Sociedade Cooperativa Galega, seis breves pezas divulgativas que mostran o Camiño de Santiago desde unha perspectiva etnográfica, cultural e lingüística que pon en valor a toponimia galega para que a e o peregrino comprenda desde un punto de vista novo a relevancia da Ruta Xacobea e a súa pegada na configuración cultural da actual Europa.

 

Finalizamos achegando a lingua ás e aos máis cativos a través da sección de Artes escénicas, cos monicreques de Óscar Ferreira. O obxectivo deste proxecto audiovisual é aprender a construír e manipular un monicreque de boca. O vídeo consta de dúas partes: unha primeira dedicada á construción dos monicreques e unha segunda centrada nas leccións básicas de manipulación. A proposta está pensada especificamente para pequenos e pequenas de 3 anos a 12 anos, pero pódese participar con calquera idade.

 

Con esta iniciativa, a Secretaría Xeral da Emigración tenta achegar á nosa colectividade do exterior os contidos creativos de interese cultural e artístico, lingüístico e turístico que forman parte do Fondo de Proxectos Culturais Xacobeo 2021, de cara a promocionar a nosa lingua e cultura entre os galegos e galegas do exterior.

 

 

Novas e Actualidade


Titulares
Histórico


 ACTIVIDADES

Marzo 2024
LMMeXVSD
    123
45678910
11121314151617
18192021222324
25262728293031
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas