GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Miranda e Trenor reúnense coas e cos bolseiros BEME da Secretaría Xeral da Emigración que cursan este ano un mestrado na UDC

(04/05/2021)

Miranda e Trenor reúnense coas e cos bolseiros BEME da Secretaría Xeral da Emigración que cursan este ano un mestrado na UDC

Entre os temas a tratar estiveron os diversos mecanismos que oferta a Xunta para súa inserción laboral en Galicia, así como a necesidade de que se axilice por parte do Estado a homologación dos seus títulos do estranxeiro.

 

Imaxe do encontro de hoxe cos bolseiros e bolseiras BEME da Universidade da Coruña

Imaxe do encontro de hoxe cos bolseiros e bolseiras BEME da Universidade da Coruña

 

A Coruña, 3 de maio de 2021.

 

O secretario xeral da Emigración, Antonio Rodríguez Miranda, mantivo esta mañá, no Museo de Belas Artes da Coruña, un encontro cos bolseiros e bolseiras BEME que están a cursar un mestrado na UDC acompañado do delegado da Xunta nesta provincia, Gonzalo Trenor. Á reunión asistiron alumnas e alumnos dos mestrados que imparte a universidade herculina, que son cidadás e cidadáns galegos retornados do exterior ou descendentes de galegas e galegos, e que obtiveron en 2020 unha destas axudas de excelencia que outorga a Secretaría Xeral da Emigración para poder ampliar estudos superiores.

 

Durante o encontro, os alumnos e alumnas trasladáronlle ao secretario xeral as súas impresións sobre os cursos que están a levar a cabo, as problemáticas ás que se enfrontaron ao chegar a Galicia ou as súas inquedanzas por poñer en marcha un negocio ou buscar un emprego para poder quedarse a vivir na nosa comunidade autónoma.

 

Entre os temas que se analizaron nesta reunión estiveron cuestións como os diversos mecanismos que oferta a Xunta para a súa futura inserción laboral en Galicia ou a axilización por parte do Estado da homologación dos seus títulos do estranxeiro. Neste senso, Rodríguez Miranda volveu facer fincapé na necesidade de que o Goberno central tome nota desta necesidade real “dos retornados galegos do exterior”, xa que é “un requisito moi importante para que poidan desenvolver o seu labor profesional aquí e por tanto, emprender ou traballar en Galicia”.

 

Na actualidade 162 estudantes atópanse realizando un dos 146 mestrados que ofrecen a USC, a UVigo e a UDC, xa que algúns dos matriculados e matriculadas do ano anterior aínda continúan desenvolvendo os seus estudos que constan de 90 créditos.

 

Tal e como recordou o secretario xeral, continúa a tramitación das bolsas do próximo curso, que aumentan das 150 de 2020 ata as 200 para este ano de cara a paliar as dificultades causadas pola pandemia da covid-19.   

 

O Goberno galego destina 1,72 millóns de euros impulsando a captación dun total de 200 tituladas e titulados universitarios galegos e de currículo brillante, residentes no estranxeiro e cunha titulación de grao, licenciatura, enxeñaría ou arquitectura, que poderán cursar estudos de mestrado nalgunha das tres universidades galegas.

 

Os beneficiarios e beneficiarias destas bolsas de excelencia son galegas e galegos por nacemento ou descendentes por consanguinidade, e deben acreditar un mínimo de dous anos de residencia no Exterior e estar admitido ou adimitida na presinscrición dalgún dos mestrados das universidades galegas.

 

A Xunta impulsa así o retorno de currículos brillantes ao tempo que contribúe á fixación de poboación na Galicia territorial, pasando das 150 bolsas do pasado curso ás 200 para o 2021/22, co fin de axudar no regreso de máis mozas e mozos a Galicia polas dificultades que poidan existir no exterior a consecuencia da covid-19.

 

A bolsa, cuxo importe é de 7.000 ou 7.650 euros (segundo a persoa beneficiaria proceda de Europa ou do resto do mundo) por curso completo de 60 créditos ECTS, destínase a cubrir os gastos de matrícula, viaxe, aloxamento e manutención na Galicia territorial. Aqueles e aquelas que se matriculen nun curso de maior duración (90 créditos) disporán dun orzamento total de ata 11.475 euros (en función do continente de procedencia do alumnado). 

 

O obxectivo das BEME é non só atraer cada ano galegas e galegos que viven fóra e que completen aquí a súa formación especializada senón que traballen en Galicia e que fixen tamén no territorio galego definitivamente a súa residencia.

 

Neste sentido, todas e todos os beneficiarios destas axudas contarán, un ano máis, cunha orientación laboral coa que se pretende non só captar para Galicia o talento máis brillante de entre os mozos e mozas residentes fóra fomentando o retorno da poboación activa laboral, senón tamén facilitarlles o seu establecemento definitivo na comunidade. A oferta céntrase en estudos con capacidade de absorción no tecido produtivo e laboral galego. 

 

 

Novas e Actualidade


Titulares
Histórico


 ACTIVIDADES

Setembro 2021
LMMeXVSD
  12345
6789101112
13141516171819
20212223242526
27282930   
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas