(16/04/2021)
O Congreso aproba a subcomisión para o estudo da reforma do voto dos españois no exterior
Crónicas da Emigración
E. C., Vigo | 15 de abril de 2021
Panel de votación da creación da subcomisión.
O Pleno do Congreso aprobou, con 330 votos a favor, ningún en contra e 9 abstencións, a creación dunha subcomisión que estude a reforma da Lei Orgánica do Réxime Electoral Xeral (LOREG) para a reforma do voto dos españois que residen no exterior.
Esta subcomisión, que foi impulsada polo PSOE e Unidas Podemos, retomará os traballos que se iniciaron fai dúas lexislaturas e que foron interrompidos pola convocatoria de eleccións. O prazo para levar a cabo este estudo é de seis meses desde a súa constitución e o informe que elabore será sometido á aprobación da Comisión Constitucional.
Na orde do día do pleno tamén estaba previsto o debate da totalidade da Proposta de Lei Orgánica para a reforma do voto exterior, pero a Xunta de Portavoces excluíu este punto do Pleno de hoxe e previsiblemente debaterase no Pleno do próximo xoves.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas