GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Emigración organiza tres xornadas informativas sobre as bolsas BEME de mestrado para as e os universitarios galegos do exterior

(26/03/2021)

Emigración organiza tres xornadas informativas sobre as bolsas BEME de mestrado para as e os universitarios galegos do exterior

O secretario xeral da Emigración, Antonio Rodríguez Miranda, trasladará aos interesados e interesadas cales son os requisitos e a documentación necesaria para solicitar estas bolsas que lles permitirán ampliar a súa formación superior nunha das tres universidades galegas no próximo curso académico.

 

As xornadas celebraranse o sábado 27 e o martes 30 para América e o luns 29 para Europa, todas elas ás 19 horas de España.

 

As e os interesados poden rexistrarse a través da web https://emigracion.xunta.gal.

 

As xornadas celebraranse o sábado 27 e o martes 30 para América e o luns 29 para Europa

As xornadas celebraranse o sábado 27 e o martes 30 para América e o luns 29 para Europa

 

Listen to this page using ReadSpeaker
 

Santiago de Compostela, 25 de marzo de 2021.

 

A Secretaría Xeral da Emigración organiza tres xornadas informativas para dar a coñecer entre as universitarias e os universitarios galegos do exterior a nova convocatoria de Bolsas Excelencia Mocidade Exterior - BEME, que permitirán ás e aos beneficiarios cursar un mestrado nunha das tres universidades galegas no próximo curso académico.

 

Esta actividade, que correrá a cargo do secretario xeral da Emigración, Antonio Rodríguez Miranda, desenvolverase o sábado 27 de marzo e o martes 30 para as universitarias e os universitarios galegos do continente americano, e o luns 29 os de Europa. Todas elas desenvolveranse ás 19:00 h (hora de España).

 

Estas xornadas informativas en liña están orientadas a estudantes nacidas e nacidos en Galicia ou descendentes de galegas e galegos que residan non exterior e queiran coñecer máis información sobre o programa, e tamén a entidades académicas, centros, institucións etc. interesadas.

 

Rodríguez Miranda presentará a quinta edición das bolsas, que conta este ano con 200 prazas, o número máis alto dende o inicio do programa. As axudas que recibirán os bolseiros e bolseiras van dende os 7.000 aos 7.650 euros (segundo o continente de onde proceda o alumno ou alumna) para un curso de 60 créditos ECTS e de 11.475 euros se o curso é de maior duración: 90 créditos. A axuda destínase a cubrir os gastos de matrícula, viaxe, aloxamento e manutención en Galicia. 

 

Tódolos beneficiarios e beneficiarias destas axudas contarán, un ano máis, cunha orientación laboral coa que se pretende non só captar para Galicia o talento máis brillante de entre as mozas e mozos residentes fóra fomentando o retorno da poboación activa laboral, senón tamén facilitarlles o seu establecemento definitivo na comunidade. A oferta céntrase en estudos con capacidade de absorción no tecido produtivo e laboral galego. 

 

O Goberno galego destina 1,72 millóns de euros impulsando a captación dun total de 200 tituladas e titulados universitarios galegos e de currículo brillante, residentes no estranxeiro e cunha titulación de grao, licenciatura, enxeñaría ou arquitectura, que poderán cursar estudos de mestrado nalgunha das tres universidades galegas. 

 

As interesadas e interesados poden informarse a través da web https://emigracion.xunta.gal ou do teléfono e WhatsApp: +34 604 068 008.

 

As inscrición ou rexistro nestas xornadas poden facerse a través dos seguintes enlaces: 

 

  • Xornada do sábado 27 (América): picar aquí
  • Xornada do luns 29 (Europa): picar aquí
  • Xornada do martes 30 (América):  picar aquí
  •  

     

     

    Novas e Actualidade


    Titulares
    Histórico


     ACTIVIDADES

    Abril 2021
    LMMeXVSD
       1234
    567891011
    12131415161718
    19202122232425
    2627282930  
           



     AREA DE TÉCNICOS

     Usuario:
     Contrasinal:
     

     
    ¿Olvidou o seu contrasinal? | Alta

    OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

    (c) 2009 FEGAMP, Federación Galega de Municipios e Provincias :: Texto legal
    FEGAMPinmigracion@fegamp.es
    Xunta de Galicia

    Desarrolo: AVA Soluciones Tecnológicas