GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

O Barco abrirá oficina do DNI en setembro

(17/03/2021)

O Barco abrirá oficina do DNI en setembro


undefined
undefined photo_ camera Dependencias destinadas á Oficina do DNI, no Barco.


A Rexión José M. Cruz
17/mar./21

Estará na sala provisional que utiliza a Unidade Móbil da Policía

 

Os valdeorreses non terán que desprazarse ata Monforte (Lugo) ou Ponferrada (León) cando lles urxa renovar o carné de identidade (DNI) a partir do próximo mes de setembro. Esta é a data estimada para a apertura das dependencias da Unidade de Estranxeiría e Documentación, da Policía Nacional, no Barco de Valdeorras. Os plans dos técnicos estiman que os traballos deberían dar comezo o próximo verán.

A Policía Nacional montará o novo servizo nas oficinas da segunda planta do Edificio Multiusos que, de forma provisional, viñan ocupando os axentes da Unidade Móbil de Ourense, nos seus desprazamentos á vila barquense para atender as solicitudes de renovación do DNI da poboación. Aínda que, nun principio pensouse no antigo edificio xudicial da Rúa de Pérez Lista, esta opción foi finalmente descartada, ao atopar que as instalacións provisionais reúnen unhas condicións máis adecuadas para o seu labor.

O alcalde barquense, Alfredo García Rodríguez, confirmou onte que os técnicos municipais xa manexan o proxecto de acondicionamento das dependencias. Os planos céntranse fundamentalmente nas infraestruturas de telecomunicacións que precisan os axentes para desenvolver, segundo explicou o rexedor.

O proxecto será levado ao próximo pleno ordinario da Corporación municipal, do mes de abril, ao obxecto de que os concelleiros lle outorguen o seu visto e prace. O orzamento inicial ascende a aproximadamente 75.000 euros, segundo apuntou o rexedor.

A apertura da oficina do DNI no Barco é reclamada desde hai anos e non só polos gobernantes barquenses, tamén o Sindicato Unificado de Policía mostrou o seu interese en que o servizo se poña en marcha. Segundo as súas estimacións, este servizo correría por conta dun oficial, dous axentes da Policía Nacional e entre dous e catro funcionarios da Administración Xeral do Estado.

Á hora de solicitar a creación da Unidade de Estranxeiría e Documentación do Barco, a organización sindical tamén tomou en consideración que o Corpo Nacional de Policía poderá dirixirse ao seu persoal cando precise información da zona.

 

 

Novas e Actualidade


Titulares
Histórico


 ACTIVIDADES

Abril 2021
LMMeXVSD
   1234
567891011
12131415161718
19202122232425
2627282930  
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas