(04/03/2021)
A reforma da Lei electoral e o voto rogado debaterase en subcomisión creada para ese efecto
A Rexión Internacional 03/03/2021
Axencia EFE
A reforma da Lei do Réxime Electoral Xeneral que busca a derrogación do voto rogado para os españois residentes no estranxeiro será debatida nunha subcomisión creada para ese efecto e dependente da Comisión Constitucional do Congreso, a condición de que a Xunta de Portavoces así o aprobe.
A Mesa do Congreso admitiu este martes a trámite a solicitude do PSOE e Unidas Podemos de crear unha subcomisión para a reforma da Lei Orgánica 5/1985, do 19 de xuño, do Réxime Electoral Xeneral, tendo en conta que o pasado 23 de febreiro todos os partidos aprobasen por unanimidade tramitar a reforma desta Lei para axilizar os trámites do voto no estranxeiro e permitir que as papeletas cheguen a tempo.
A petición de creación desta subcomisión será aprobada previsiblemente na próxima Xunta de Portavoces.
A proposición de Lei que foi tomada en consideración insta a derrogar o voto rogado, introducido en 2011 e a implementar un sistema de descarga telemática das papeletas.
Tamén amplía o prazo para a apertura dos votos emitidos desde o estranxeiro de tres a cinco días para que o reconto das papeletas poida facerse mellor.
A emendas a esta iniciativa serán debatidas nesta subcomisión e mentres o PP xa avanzou no Pleno que esixirían garantías de identificación no voto por correo e a xeneralización do voto en urna, Cidadáns avogou por listas abertas no réxime electoral xeneral e ERC apostou por un sistema de voto electrónico.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas