GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

O ministro Escrivá reúnese co Alto Comisionado de Nacións Unidas para os Refuxiados, Filippo Grandi

(12/02/2021)

O ministro Escrivá reúnese co Alto Comisionado de Nacións Unidas para os Refuxiados, Filippo Grandi



reunión ministro Acnur


Ministerio de Inclusión, Seguridade Social e Migracións

12/02/2021

 

  • Asinaron unha carta para a entrega de 20.000 mantas e 300.000 máscaras para os recursos de acollida en Canarias
  • Subliñaron os bos resultados do Programa Nacional de Reasentamiento, que traerá a España proximamente a outras 240 persoas procedentes de Turquía

 

O ministro de Inclusión, Seguridade Social e Migracións, José Luis Escrivá, reuniuse co Alto Comisionado de Nacións Unidas para os Refuxiados (ACNUR), Filippo Grandi. Á cita acudiron tamén a secretaria de Estado de Migracións, Hana Jalloul, e a representante do ACNUR en España, Sophie Muller.

Durante o encontro, conversaron acerca da colaboración existente entre ambas as institucións, que se ampliou nos últimos meses por mor da crise migratoria en Canarias. Tras a reunión, ambos asinaron unha carta de entrega de material para os recursos de acollida que o Ministerio de Inclusión está a poñer en marcha dentro do Plan Canarias. O ACNUR achegou 20.000 mantas e 300.000 máscaras para os novos recursos e, ademais, facilitará o acceso a internet ás persoas acollidas.

Ademais, Escrivá e Grandi puxeron en valor os bos resultados que deu o Programa Nacional de Reasentamiento, polo que persoas refuxiadas noutros países son acollidas en España. Grazas a este programa, máis de 1.100 persoas atópanse actualmente acollidas en recursos financiados polo Ministerio de Inclusión en España e a cantidade aumentará coa chegada de persoas con protección internacional en Turquía, Xordania e Líbano. Entre os meses de marzo e abril está prevista a chegada doutras 240 persoas procedentes de Turquía dentro deste programa.

O ministro explicou ao Alto Comisionado os plans do Goberno para reformar e reforzar o sistema de asilo en España, xa que é un dos países da nosa contorna nos que máis creceron as solicitudes de protección internacional nos últimos anos.

Filippo Grandi reuniuse co ministro Escrivá dentro da súa visita a España, na que tamén mantivo diversas reunións con outros membros do Goberno.

 

 

Novas e Actualidade


Titulares
Histórico


 ACTIVIDADES

Setembro 2021
LMMeXVSD
  12345
6789101112
13141516171819
20212223242526
27282930   
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas