GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Marco Ferrara defende que os residentes no exterior conten cunha circunscrición propia

(15/01/2021)

Marco Ferrara defende que os residentes no exterior conten cunha circunscrición propia


Crónicas da Emigración.

Redacción, Vigo | 15 de xaneiro de 2021

 

Marco Ferrara.

Marco Ferrara.


O secretario xeral do PSOE en Lausanne, Marco Ferrara, defendeu a creación dunha circunscrición propia para os 2,5 millóns de españois do exterior, xa que considera que é a única forma de que participen na policía española.

“Se non tes deputados para defender as túas preocupacións no Parlamento, a túa existencia na política e nas decisións é escasa. Ninguén se interesa polo que está lonxe se non tes a alguén onde se toman as decisións”, apunta o que fora portavoz do PSOE Europa do 2004 ao 2012, durante unha entrevista na radio arxentina LU9 Mar do Prata.

Segundo Ferrara “durante anos, traballamos para ampliar o espazo dos residentes no exterior na política española, dar cabida institucional a esta poboación, para que tivésemos nosos propios representantes no Congreso dos Deputados e no Senado, do mesmo xeito que calquera residente na península. Estivemos a piques de conseguilo. A idea entrou no programa electoral con Zapatero, mantívose no de Rubalcaba e logo retomouse na candidatura de Carme Chacón ao liderar o PSOE. A proposta tivo unhas épocas de maior forza e agora hai outras preocupacións en primeira liña”.

Segundo Ferrara, os españois do exterior están a votar a persoas que se presentan en España sen poder contar cos seus propios candidatos e “isto é un fallo da democracia, xa que impide que os españois no exterior teñamos acceso ao sufraxio pasivo, que consiste en ser candidatos e que é un dereito garantido pola Constitución”.

Ferrara tamén lembrou que fai dez anos que se implantou o voto rogado no exterior cando “se difundiron rumores e sospeitas sobre posibles fraudes no voto exterior, que nunca se demostraron, pero que asustaron a dirixentes de varios partidos políticos e que xeraron unha decisión incorrecta”. En todo caso, o secretario xeral do PSOE en Lausanne lembrou que o PSOE é o único partido que recoñeceu e lamentou o erro “por parte do propio Zapatero, que acabou o seu mandato con ese punto amargo para el e para nós”.

En canto á posibilidade de reverter a situación, Ferrara asegura que non se creeía que en 10 anos non houbese modo de solucionalo. “Sabemos que na política española é moi complicado alcanzar acordos co PP e esta situación é máis que inaceptable”, asegurou.

 

 

Novas e Actualidade


Titulares
Histórico


 ACTIVIDADES

Abril 2021
LMMeXVSD
   1234
567891011
12131415161718
19202122232425
2627282930  
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas