Os retornados de Alemaña, pendentes dun cambio fiscal que afecta á súa pensión

(05/12/2020)

Os retornados de Alemaña, pendentes dun cambio fiscal que afecta á súa pensión

As prestacións que reciben daquel país deben tributar un 5 % no IRPF xermano

Os emigrantes galegos retornados de Alemaña e que cobran unha pensión dese país beneficiaranse da subida dos mínimos exentos no imposto sobre a renda daquel país, que se incrementarán os dous próximos exercicios. E é que as prestacións que reciben daquel país deben tributar un 5 % no IRPF xermano, tamén as pensións complementarias de empresa.

Así o informou onte o secretario provincial de emigración do PSOE de Ourense, Luís Gulín, que indicou que ese mínimo exento, fixado actualmente en 9.408 euros anuais, elevarase a 9.744 o ano que vén e a 9.984 o seguinte.

Ademais, lembrou que a fiscalidade das pensións destes emigrantes retornados «está supeditada ao inminente fallo do Tribunal de Finanzas de Alemaña, o Tribunal Supremo xermano en temas tributarios, sobre a legalidade de someter a IRPF as pensións de xubilación».