(23/11/2020)
A Pobra estreou a primeira residencia para emigrantes
22/11/2020
Na actualidade dá cabida a persoas de distintos lugares, pero nas súas orixes, a residencia de maiores A Pobra foi concibida para dar acubillo a emigrantes xubilados. De feito, foi a primeira instalación con esa finalidade que se inaugurou en Galicia, tal día como hoxe en 1984.
Hai 34 anos, o conselleiro de Cultura e Benestar era Alejandrino Fernández, e el foi o encargado de descubrir a placa conmemorativa coa que se deu por inaugurado un centro que, naquel momento, contaba con só tres residentes. Nos próximos días esperábase a chegada doutros tres usuarios procedentes de Arxentina.
Xunto ao conselleiro estaba o alcalde Durán Casais, que xa entón abría as portas da residencia pobrense «a todos os habitantes da comarca». E así foi. Aínda que nun principio estaba pensada para acoller a emigrantes xubilados, na actualidade as 31 prazas dispoñibles no centro están ocupadas por maiores, non só de Barbanza, senón de distintos puntos de Galicia.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas