A Secretaria de Estado de Migracións comparecerá no Congreso para explicar os cambios na concesión de axudas aos españois no exterior

(03/11/2020)

A Secretaria de Estado de Migracións comparecerá no Congreso para explicar os cambios na concesión de axudas aos españois no exterior

A Secretaria de Estado de Migracións, Hanna Jalou, durante a presentación dos orzamentos do seu departamento para 2021.

A Rexión Internacional 03/11/2020 .

A Secretaria de Estado de Migracións comparecerá o vindeiro venres no Congreso dos Deputados para explicar os cambios que o seu departamento poñerá en marcha nos orzamentos do ano que vén, no relativo a concesión de axudas aos españois no exterior.

Hana Jalloul adiantaba o pasado venres durante a presentación das contas do Ministerio de Inclusión, Seguridade Social e Migracións, que o orzamento do seu departamento para 2021 alcanzará un total de 61 millóns de euros, o que supón un incremento dun 3%, respecto ao ano e en curso. E isto, a pesar da supresión dalgunhas partidas como o programa de axudas para obras e equipamentos dos centros ou as axudas á UNED, así axudas extraordinarias aos retornados ou os programas de Comunicación, como viñeron alertado os receptores destas partidas.

Jalloul asegurou que se subiu a dotación de moitos programas e negou que se suprimiron outros. “En canto ás axudas para emigrantes dos orzamentos de 2020 pasamos de 57 millóns a 59, co cal hai un incremento desa partida. Priorizouse a atención ás persoas máis vulnerables, tanto aos residentes no exterior así como aos retornados, mantense a dotación por razón de necesidade, as axudas extraordinarias para emigrantes, as pensións a nenos da guerra e a asistencia sanitaria a países con sistemas sanitarios máis deficientes”, asegurou.

A Secretaria de Estado de Migracións, afirmou que “non só mantemos se non que incrementamos esas partidas. A contía destinadas ás pensións asistenciais para retornados, soben de 1, 7 millóns a 6,7 e respecto ao programa de subvencións, priorizar a atención ás asociacións de españois no exterior e aos centros que atenden a maiores e dependentes”.

No relativo á supresión da partida destinada ao plan especial de atención sociosanitaria dos españois en Venezuela, Jaloull dixo “temos o programa de asistencia sanitaria para maiores de 65, que funciona moi ben, e aumentamos esa dotación. Se houbo algún cambio nalgunha partida foi porque subiron o número de beneficiarios e tivemos que priorizar aos nosos pensionistas en todas as partes do globo”.

Así mesmo, e respecto ao programa de Comunicación, Jalloul, aclarou que “o cambio que vai haber é que se vai a centralizar este tipo de accións no Gabinete de Comunicación do Ministerio. Simplemente vaise a cambiar a forma de operar con este tipo de proxectos de investigación, pero en ningún caso recortalos”.

Finalmente a titular de Migracións destacou que para o departamento que dirixe, os españois no exterior son prioritarios. "Non só falamos e pensamos nos inmigrantes que veñen ao noso país. Temos en marcha iniciativas moi importantes como a dixitalización e o achegamento destas persoas á Secretaría de Estado de Migracións, para que teñan a atención que se merecen”, sentenciou.