(21/10/2020)
ABANCA renova o seu acordo de colaboración co Arquivo de Indianos - Museo da Emigración
A Rexión Internacional 21/10/2020
Na espectacular "Quinta Guadalupe", sede da Fundación Arquivo de Indianos – Museo da Emigración, tivo lugar o acto de firma de renovación do convenio de colaboración con ABANCA no que participaron Francisco Rodríguez García, presidente da Fundación Arquivo de Indianos, Juan Carlos Escotet Rodríguez, presidente de ABANCA e vicepresidente 3º da Fundación Arquivo de Indianos - Museo da Emigración, e Antonio Suárez Gutiérrez, presidente da Asociación de Amigos do Arquivo e Museo da Emigración.
Desde o ano 2019 ABANCA participa directamente nas actividades e na promoción dos fins fundacionais da Fundación Arquivo de Indianos – Museo da Emigración, e na captación de fondos documentais para o seu arquivo. Igualmente promóvese a súa dixitalización para a súa posta a disposición, a través da web institucional, de todos os investigadores interesados no estudo do fenómeno da emigración a América.
Tanto a Asociación de Amigos do Arquivo e Museo da Emigración como ABANCA renovaron neste acto os seus compromisos cos obxectivos sociais e culturais da Fundación Arquivo de Indianos – Museo da Emigración.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas