(21/10/2020)
A Seguridade Social rexistrou 2.078.201 traballadores estranxeiros de media en setembro
Ministerio de Inclusión, Seguridade Social e Migracións
20/10/2020
-Contabilizáronse 15.330 ocupados estranxeiros máis de media que en agosto
-Oito comunidades suman máis afiliados que hai un ano: Murcia, Galicia, Asturias, Castela e León, País Vasco, Castela-A Mancha, Navarra e A Rioxa
-Os ocupados doutros países supuxeron un 11,01% do total de afiliados á Seguridade Social
A Seguridade Social rexistrou unha media de 2.078.201 traballadores estranxeiros afiliados en setembro, o que supón un incremento de 15.330 ocupados respecto ao mes anterior (0,74%). É o quinto mes que sobe a afiliación de estranxeiros desde o seu punto máis baixo en abril (1.972.552).
No conxunto do sistema da Seguridade Social, os ocupados estranxeiros representaron de media un 11,01% do total.
En comparación con setembro de 2019, rexistrouse un retroceso do 3,13% dos ocupados estranxeiros, 67.061 activos menos de media. Esta variable, negativa desde o inicio da pandemia, xa é positiva en oito comunidades autónomas.
Do conxunto de traballadores estranxeiros, 1.318.785 procedían de países de fóra da UE (63,46%) e o resto (759.416), de países comunitarios (36,54%). Os grupos de traballadores estranxeiros máis numerosos foron os procedentes de Romanía (329.736), Marrocos (253.089), Italia (126.197) e China (98.882).
Un 56,81% foron homes (1.180.649), mentres que o 43,19% foron mulleres (897.552).
Afiliación media mensual
Os datos de afiliación media de estranxeiros reflicten en setembro un incremento de 15.330 ocupados respecto a a media de agosto (0,74%), ata situar o número total en 2.078.201 de traballadores e traballadoras.
Entre as comunidades autónomas que sumaron traballadores estranxeiros destacan Estremadura (11,30%), Castela-A Mancha (9,68%), A Rioxa (7,64%), Andalucía (4,24%), Castela e León (3,28%), País Vasco (2,29%) e Navarra (2,28%). En sentido contrario, anotaron descensos Baleares (-4,94%), Cantabria (-4,41%), Aragón (-4,26%), Asturias (-2,40%), Canarias (-1,13%) e Cataluña (-0,94%).
Por réximes, como é habitual, a maioría dos afiliados estranxeiros encadrouse no Réxime Xeral, con 1.712.918 traballadores (inclúe o Sistema Especial Agrario, con 211.972 ocupados, e o de Fogar, con 159.470). Seguíronlle o Réxime de Autónomos con 360.497 afiliados; o Réxime Especial do Mar, con 4.751, e o do Carbón, con 35.
O Réxime Xeral sumou de media no mes un 0,81% de afiliados estranxeiros. Os tres sectores que máis creceron neste réxime foron Educación (20,87%), Agricultura, Gandería, Selvicultura e Pesca (6,81%) e Actividades Administrativas e Servizos Auxiliares (1,74%). Mención á parte merecen os Sistemas Especiais que integran o Réxime Xeral, en concreto, o Agrario que en setembro rexistrou un aumento do 10,67%, e do Fogar que se incrementou nun 0,26%.
Os sectores que máis afiliados perderon foron Actividades dos Fogares como Empregadores de Persoal Doméstico e Produtores de Bens e Servizos para uso propio (-7,99%), Hostalería (-6,32%) e Actividades Artísticas, Recreativas e de Entretemento (-3,98%).
O número de estranxeiros rexistrados no Réxime Especial de Traballadores Autónomos, pola súa banda, creceu un 0,48% no último mes.
Datos acumulados en setembro
A Seguridade Social rexistrou 2.072.722 afiliados estranxeiros o 30 de setembro, o que supuxo 27.101 traballadores máis que o último día laborable do mes anterior. É dicir, ao longo do mes sumou un 1,32% de cotizantes foráneos.
Con este criterio, once comunidades autónomas sumaron afiliados estranxeiros, sendo os maiores incrementos os que se rexistraron na Rioxa (19,07%), Castela e León (12,27%), Castela-A Mancha (9,62%) e Estremadura (8,89%).
Os descensos máis acusados apuntáronse en Illas Baleares (-5,92%), Aragón (-4,56%), Cantabria (-3,95%) e Asturias (-2,49%).
Variación interanual
A afiliación media deste colectivo rexistrou en setembro 67.061 activos menos que o ano pasado (-3,13%).
Oito comunidades contan xa cunha cifra interanual positiva, entre as que destacan Murcia (4,71%), e Galicia (2,75%). Por outra banda, o número de traballadores estranxeiros reduciuse no último ano con maior intensidade nas Illas Baleares (-22,12%), Canarias (-11,02%), Cataluña (-4,68%) e Aragón (-3,13%).
En concreto no Réxime Xeral, o número de traballadores estranxeiros minguou un 4,65% no último ano, con perdas máis pronunciadas en Actividades Artísticas, Recreativas e de Entretemento (-21,33%) e Hostalería (-20,57%). Pola súa banda, os sectores que sumaron máis afiliados doutros países foron Agricultura, Gandería, Caza, Servicultura e Pesca (8,58%), Actividades Sanitarias e Servizos Centrais (8,07%) e Actividades Financeiras e de Seguros (7,82%).
O número de traballadores estranxeiros autónomos, con todo, creceu un 4,90% en termos interanuais.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas