(07/10/2020)
Curso de técnicas de construción para emigrantes en Suíza, a cargo do Goberno
carballo / a voz 07/10/2020
A Dirección Xeral de Migracións do Ministerio de Inclusión, Seguridade Social e Migracións, xunto á Fundación Laboral da Construción, a Sociedade Suíza de Empresarios da Construción e os sindicatos Unia e Synia, organizaron un curso sobre técnicas da construción para traballadores españois empregados no sector helvético, que na Costa da Morte se contan polo menos por centenares. O Fondo Paritario de Formación (Parifond) presta o apoio económico.
O curso será en Santiago (outros anos foi en Ferrol ou Arteixo), do 4 de xaneiro ao 26 de febreiro, e durará 320 horas, repartidas en 40 por semana, de luns a venres. Aprenderán sobre encofrado, canalizacións, entibado, pozos, mampostería de ladrillo, interpretación básica de planos, seguridade e hixiene no traballo. Os candidatos deben ter polo menos seis meses traballados no sector no último ano, e ter cotizado no Parifond, ademais da proposta do empresario para que faga o curso. O participante cobrará unha indemnización de 200 francos suízos (185 euros) por día de clase, ademais de acceder á categoría salarial A, de non tela aínda.
A anotación debe facela a compañía correspondente, co prazo límite do 4 de novembro.
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas