GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

O programa para mulleres en situación de vulnerabilidade, que inclúe ás retornadas galegas, vén de ampliar o seu orzamento

(07/08/2020)

O programa para mulleres en situación de vulnerabilidade, que inclúe ás retornadas galegas, vén de ampliar o seu orzamento

O Diario Oficial de Galicia publicou fai uns días a resolución pola que se amplía en algo máis de 24.000 euros o orzamento da convocatoria de axudas a entidades de iniciativa social sen ánimo de lucro para que desenvolvan programas dirixidos a mulleres en situación de especial vulnerabilidade, onde se inclúen ás emigrantes retornadas, co obxectivo de atender a todas as solicitudes presentadas.

 

Trátase da segunda vez que se incrementa o orzamento desta convocatoria, que xa se ampliara en maio en 122.000 euros.

 

En total, a Xunta destina a este fin máis de 1,4 millóns de euros.

 

A Xunta amplía o orzamento destinado a financiar programas dirixidos a mulleres en situación de especial vulnerabilidade

A Xunta amplía o orzamento destinado a financiar programas dirixidos a mulleres en situación de especial vulnerabilidade

 

Listen to this page using ReadSpeaker
 

Santiago de Compostela, 7 de agosto de 2020.

 

O Diario Oficial de Galicia publica hoxe a resolución pola que se amplía en algo máis de 24.000 euros o orzamento da convocatoria de axudas a entidades de iniciativa social sen ánimo de lucro para que desenvolvan programas dirixidos a mulleres en situación de especial vulnerabilidade, co obxectivo de atender a todas as solicitudes presentadas.

 

Trátase da segunda ampliación que se fai desta convocatoria. En maio xa se incrementara o crédito destinado a este fin en algo máis de 122.000 euros. Tras estas dúas ampliacións, a convocatoria ten un orzamento de máis de 1,4 millóns de euros, cofinanciados polo Fondo Social Europeo.

 

Esta segunda ampliación destinarase para financiar aqueles proxectos que quedaran en lista de espera, e seguindo a orde de puntuación. Isto é, non se abre ningún novo prazo de presentación de solicitudes.

 

Cómpre lembrar que na primeira resolución da convocatoria, que se publicou en xuño tras a primeira ampliación de crédito, resultaron beneficiarias un total de 69 entidades.

 

Os programas que se financian poden ser de dous tipos: de recursos integrais específicos para mulleres xestantes ou lactantes con fillas ou fillos menores de 3 anos e en situación de especial vulnerabilidade; e de atención especializada a mulleres en situación de especial vulnerabilidade, pertencentes a un ou varios colectivos.

 

Estas actuacións inclúen, entre outros recursos, servizos de orientación e información, atención psicolóxica, asesoramento xurídico, mediación intercultural e/ou familiar, apoio e orientación laboral, ou actividades para adquisición de habilidades persoais e sociais básicas.

 

Con estas axudas, o Goberno galego pretende fomentar a igualdade de oportunidades para contribuír a reducir a dobre discriminación en que se atopan as mulleres en situación de especial vulnerabilidade, e para dotalas dunha maior autonomía e independencia co fin de mellorar a súa situación laboral, social e persoal.

 

Teñen a consideración de mulleres en situación de especial vulnerabilidade, entre outras, as vítimas de violencia de xénero; inmigrantes, emigrantes ou refuxiadas; pertencentes a minorías étnicas; dependentes do consumo de substancia tóxicas; perceptoras de rendas de integración, subsidios ou prestacións; reclusas ou ex-reclusas; transexuais ou con conflitos de identidade de sexo; con discapacidade ou enfermidade mental; maiores ou viúvas; sen fogar; ou desempregadas de longa duración.

 

 

Novas e Actualidade


Titulares
Histórico


 ACTIVIDADES

Setembro 2020
LMMeXVSD
 123456
78910111213
14151617181920
21222324252627
282930    
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas