(22/05/2020)
A Embaixada de España en Colombia informa dun novo voo de retorno a España o próximo 29 de maio
Redacción, Bogotá | 21 Maio 2020 - Crónicas da Emigración
A Embaixada de España en Colombia informou dun novo voo de retorno a España o próximo 29 de maio. A compañía Avianca realizará un voo Bogotá-Madrid, no que se dispoñerá de prazas para o retorno de cidadáns españois e de nacionais colombianos residentes en España.
A oficina diplomática explica que, como en anteriores ocasións, terán prioridade para abordar este voo as persoas que se atopan temporalmente en Colombia, por orde de data da súa respectiva solicitude, e as situacións de carácter humanitario e/ou de extrema necesidade.
A Embaixada de España tamén especifica que, a partir do luns 25 de maio, informarase sobre o procedemento para a compra de billetes.
Os interesados neste voo deberán enviar á dirección de correo cog.bogota@maec.es os seguintes datos:
• Nome e apelidos, tal e como figuran no pasaporte.
• Nacionalidade.
• Data de nacemento
• Número de pasaporte español
• Número de DNI español
• En caso de nacionalidade colombiana, número de TIE.
• Teléfono de contacto con código do país e prefixos.
• Email de contacto.
• Data de chegada a Colombia.
• Motivo da súa visita a Colombia.
• Cidade na que se atopa en Colombia.
• Motivo polo que desexa regresar con urxencia a España.
A Embaixada de España lamenta “profundamente as actuais circunstancias e as dificultades que están a atopar moitos cidadáns españois para o seu pronto regreso ao noso país, e estamos a facer todo o posible para tratar de resolvelas, dentro das nosas posibilidades”.
Por último, indica aos interesados neste voo que permanezan atentos á web da Embaixada, apartado ‘O Consulado informa’, onde se actualizará permanentemente a información dispoñible.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas