GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Emigrar para seguir formándose

(11/05/2020)

Emigrar para seguir formándose

 

A enxeñeira Uxía García está perfeccionando o seu alemán para poder entrar nun máster

 

Uxía García se quedará al menos dos años y medio más en Munich

Uxía García quedará polo menos dous anos e medio máis en Munich

 


ourense / a voz 11/05/2020

 

A de Uxía García Vázquez (Ourense, 1996) non é unha historia de emigración para buscar traballo. Polo menos non de momento, aínda que a súa estancia en Múnic ten como obxectivo final atopar o posto dos seus soños. Bayer e BASF son, como ela mesma as define, dúas das súas empresas favoritas. Están preto da cidade na que agora vive, pero para entrar aínda lle falta formación. É por iso que esta Enxeñeira Química está en Alemaña. Quere fai un máster, que comezará en outubro. Pero antes aínda ten que pasar a proba de idioma, e por iso é polo que xa leve varios meses residindo no país e estudando. «A inmersión lingüística é moi importante á hora de aprender e facilita moito as cousas», argumenta.

 

En outubro terá as probas de acceso e, unha vez comecen as clases, serán dous anos máis de formación. Elixiu Múnic «porque a súa universidade é unha das mellores universidades europeas de enxeñaría e iso abre moitas portas nun futuro», sinala. Ademais, na cidade e os arredores viven varias persoas ás que xa coñecía, así que era máis fácil a integración.

 

Gústalle a vida en Alemaña, porque di que aínda que entre semana non hai moita actividade na rúa, si que se ve movemento os sábados e os domingos. Asegura que a maioría da xente é moi amable, e que cando constatan que non fala perfecta o idioma, «fan por entenderche e anímache». Hai excepcións tamén, resalta, «pero como en todos vos lados».

 

Está ben, pero iso non quita que tamén estrañe. «Boto moito de menos a meus pais e ao resto da familia, e tamén moitísimo aos meus amigos», di. E non só a persoas: «Boto de menos as festas de aldea, as orquestras, unha boa Estrella Galicia e o peixe fresco, que aquí non hai peixerías cada 5 metros coma en Galicia».

 

Acaba case de marchar, así que o de volver aínda queda lonxe. Quere regresar, claro, pero «como moi pronto despois do máster». Así que non será antes de finais de 2022, «salvo que a situación actual se complique». A pandemia do coronavirus está marcando o ritmo de todo, en todas partes.

 

Di que ao principio se viviu con medo, e tamén se desatou a psicose polo posible desabastecemento do papel hixiénico, así que a xente o compraba masivamente. «A xente non entendía moi ben o que pasaba, pero ao contrario que alí, aquí non houbo restricións tan drásticas», relata. En Alemaña había furgóns policiais que «paseaban» pedindo á xente que quedase en casa, «pola súa seguridade e pola do resto, pero tiñamos permitido saír á rúa a pasear ou a facer deporte en solitario ou con alguén que vivise contigo». Conta que ela mesma optou por confinarse en casa as primeiras semanas, pero pasado un tempo animouse a saír. Decidiu volver facer vida na rúa escoitando ao seu compañeiro de piso, que saía a correr a diario e relatáballe como era a situación. «Contábame como estaban os parques e animeime a empezar a saír, mantendo sempre as distancias de seguridade», indica.

 

A mediados de marzo pecharon as tendas, e tamén a academia á que acudía para perfeccionar o seu alemán (e agora ten as clases a través de Internet).

 

En Múnic xa comezou a desescalada. «Están empezando a abrir as tendas de novo. Desde fai dúas semanas permítese saír con alguén non relacionado coa túa casa. Pouco a pouco estanse levantando as restricións», conta. A modo de anécdota di que o que máis lamenta é que sexa oficial xa a cancelación do Oktoberfest, previsto para setembro. Este ano non poderá ser.

 

Volver ao país onde estivo de Erasmus

 

Uxía García naceu en Ourense, e na cidade estudou ata que chegou o paso á universidade. Durante toda a súa etapa escolar foi alumna do colexio Divina Pastora-Franciscanas. Rematado Bacharelato, cursou Enxeñería Química na Escola Técnica Superior de Enxeñaría (ETSE) da Universidade de Santiago de Compostela. Unha vez titulada, comezou a traballar no departamento de procesos de Ceamsa, no Porriño (Pontevedra) a través dunha bolsa Feuga. Agora está en Múnic tratando de perfeccionar o seu alemán para poder entrar nun máster. Regresou a Alemaña, o país no que viviu fai tres anos. Naquel momento o seu destino foi Karlsruhe, no suroeste do país; e chegaba como unha alumna de Erasmus. Volveu a Galicia para rematar a carreira. En outubro quere empezar o máster cuxas prácticas espera que a leven ata Bayer ou BASF, dúas das súas empresas favoritas, que están situadas preto de Múnic.

 

 

Novas e Actualidade


Titulares
Histórico


 ACTIVIDADES

Xullo 2020
LMMeXVSD
  12345
6789101112
13141516171819
20212223242526
2728293031  
       

Eleccións ao Parlamento de Galicia 2020. Información para o voto dos/as residentes no exterior 04/06/2020-12/07/2020

 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas