Exteriores continúa traballando para facilitar o regreso duns 3.000 turistas españois

(07/04/2020)

Exteriores continúa traballando para facilitar o regreso duns 3.000 turistas españois

Redacción, Madrid | 07 Abril 2020 - Crónicas da Emigración

O Ministerio de Asuntos Exteriores, Unión Europea e Cooperación traballa para facilitar o retorno duns 3.000 turistas españois que expresarían o seu interese en regresar ás súas residencias tras verse sorprendidos en diferentes países pola pandemia do COVID-19.

​Ao longo da semana, espéranse voos procedentes de distintos lugares do mundo, xestionados directamente polos nosos consulados e embaixadas coas compañías aéreas, ou en coordinación coas representacións diplomáticas doutros países. Estes 3.000 españois sumaríanse aos 21.000 que xa están de volta grazas ás xestións das embaixadas e consulados de España.

O Ministerio de Asuntos Exteriores, Unión Europea e Cooperación mantén abertos todas as súas canles de comunicación e información –as 24 horas do día– para atender calquera consulta dos viaxeiros españois no exterior.

Para eles, tamén puxo en marcha a plataforma ‘Aloxa’ (dispoñible na ligazón https:// registroviajeros.exteriores. gob.es/Aloxa.html​) que facilita o contacto entre os solicitantes e os ofertantes de aloxamento.