A División da Emerxencia Consular traballa para que os españois volvan a casa

(24/03/2020)

A División da Emerxencia Consular traballa para que os españois volvan a casa


Redacción, Madrid | 23 Marzo 2020 - Crónicas da Emigración



Elena Madrazo.

Elena Madrazo, directora da División de Emerxencia Consular do Ministerio de Exteriores, lembra en vídeo publicado na conta de twitter do Ministerio que o Goberno está a traballar “para que os españois volvan a casa” e asegura que están a tratar de que se “abran ceos doutros países e que as liñas comerciais poidan seguir voando”. “Coordinarémonos –explica Madrazo­– con países da UE e con países socios de tal maneira que, aos poucos, sen présa, pero sen pausa, podamos ir dando solucións aos problemas” dos españois que aínda están no estranxeiro.

Madrazo lembra que desde que se agudizou a crise, “hai unha semana e media”, recibimos unhas 35.000 chamadas. “Estamos a traballar 24 horas ao día todos os días da semana procurando, polo menos, dar toda a información de que dispoñemos, tanto aos turistas como ás súas familias”, asegura a directora da División de Emerxencia Consular, quen lembrou que é están a tentar “que se poñan en contacto cos consulados e embaixadas dos países nos que se atopan porque son eles os que lle poden prestar asistencia”, pero sobre todo “é importante que saiban que estamos aí e que seguiremos traballando para que os españois volvan ás súas casas”.