Prosegue en Lituania o foro sobre crise migratoria no que participa o Concello larachés

(10/02/2020)

Prosegue en Lituania o foro sobre crise migratoria no que participa o Concello larachés

Representantes dos vinte socios participantes visitaron o centro de refuxiados de Rukla

Na segunda e última xornada do foro sobre crise migratoria, que leva a cabo na cidade lituana de Kaunas, coa presenza da Laracha, os representantes dos vinte socios participantes visitaron o centro de refuxiados de Rukla.

Alí mantiveron un encontro co director do centro, Robertas Mikulenas, onde os asistentes a este programa promovido pola Unión Europa puideron coñecer a realidade dos refuxiados, escoitaron os testemuños de residentes e asistiron a unha mesa redonda, integrada por emigrantes, expertos e técnicos.

Cabe recordar que a delegación do Concello da Laracha intégrana o alcalde, José Manuel López, e os edís Ramiro Bello e Cristina Vieites.