GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

A Secretaría Xeral da Emigración amplía ata o 19 de febreiro o prazo para solicitar as axudas extraordinarias en Venezuela, a Arxentina e O Uruguai

(05/02/2020)

A Secretaría Xeral da Emigración amplía ata o 19 de febreiro o prazo para solicitar as axudas extraordinarias en Venezuela, a Arxentina e O Uruguai

O departamento autonómico destina 2,75 millóns para facer fronte a este pago único, que busca contribuír a cubrir as necesidades básicas de subsistencia e atención sociosanitaria das familias galegas do exterior con menos recursos.

 

A partida deste ano incrementa preto dun 10% o orzamento deste programa, ata alcanzar os 2,75 millóns de euros

A partida deste ano incrementa preto dun 10% o orzamento deste programa, ata alcanzar os 2,75 millóns de euros

 

Listen to this page using ReadSpeaker
 

Santiago de Compostela, 4 de febreiro de 2020.

 

A Secretaría Xeral da Emigración vén de ampliar o prazo para a presentación de solicitudes na Arxentina, O Uruguai e Venezuela para as Axudas Económicas Individuais, que remataba mañá. A nova data de peche de peticións será o día 19 de febreiro para estes tres países, que atravesan circunstancias especiais que xustifican esta prórroga. 

 

No caso de Venezuela, estas están a provocar grandes dificultades para que as persoas residentes no país poidan reunir a documentación necesaria para solicitar as subvencións do programa, así como para poder achegarse ás entidades colaboradoras habilitadas para a presentación electrónica das súas solicitudes, entre outros aspectos.

 

Así mesmo, na Arxentina e O Uruguai existen dificultades para que as persoas maiores poidan reunir a documentación necesaria para solicitar as subvencións deste programa e desprazarse ás sedes das delegacións da Xunta nos respectivos países onde deben presentala.

 

A numerosa presenza de cidadás e cidadáns galegos nestes tres países fai aconsellable esta medida por parte da Secretaría Xeral da Emigración, xa que en Venezuela residen aínda máis de 35.000 persoas que teñen a condición de galegas, das cales máis de 12.000 teñen 65 ou máis anos; na Arxentina residen máis de 178.000 persoas que teñen a condición de galegas; e no Uruguai residen máis de 41.000.

 

Unha boa parte de todas e todos eles, debido aos procesos inflacionarios que recorrentemente sofren estes países, non dispoñen de rendas suficientes para poder conseguir produtos de primeira necesidade ou farmacolóxicos para poder subsistir, polo que as axudas do programa de axudas económicas individuais resultan imprescindibles para a súa subsistencia, conclúe a xustificación desta ampliación do prazo.

 

Incremento dun 10 % do orzamento

 

A partida deste ano incrementa preto dun 10% o orzamento deste programa, ata alcanzar os 2,75 millóns de euros. O obxectivo desta medida é paliar as necesidades básicas de subsistencia e atención sociosanitaria de milleiros de familias galegas do exterior que se encontran nunha situación económica precaria.

 

Trátase dunha axuda de pago único á que o departamento que dirixe Antonio Rodríguez Miranda destina cada ano unha parte importante do seu orzamento, e que por segundo exercicio consecutivo dedica un esforzo especial aos galegos e galegas de Venezuela por mor da complicada situación que atravesa o país. A vulnerabilidade que está a bater nesta colectividade leva ao Goberno galego a manter un apoio específico para suplir as súas necesidades máis básicas que se traduce nunha dotación de máis de 1 millón de euros só para axudas económicas individuais. 

 

A convocatoria deste programa da Secretaría Xeral da Emigración realízase en réxime de concorrencia non competitiva e está dirixida ás e aos emigrantes de orixe galega, e a determinadas e determinados familiares residentes no estranxeiro, que acrediten atoparse en situación de alta precariedade económica.

 

 

Novas e Actualidade


Titulares
Histórico


 ACTIVIDADES

Xuño 2020
LMMeXVSD
1234567
891011121314
15161718192021
22232425262728
2930     
       

Máis de 461.000 galegas e galegos do exterior poderán solicitar o seu voto por correo para as eleccións autonómicas ao Parlamento galego ata o vindeiro 13 de xuño 21/05/2020-12/07/2020

 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas