(20/12/2019)
As comarcas do sur lucense arroxan un saldo migratorio positivo
MONFORTE / LA VOZ 19/12/2019
As comarcas de Lemos, Chantada e Quiroga acolleron durante os últimos tres anos a 764 persoas máis das que deixaron de residir neste territorio. Durante o ano pasado, asismo, nos municipios destas comarcas asentáronse en total 150 emigrantes galegos retornados. Estes datos déronse a coñecer durante unha visita que realizou a Sober a deputada autonómica Raquel Arias, portavoz de Demografía e Emigración do Partido Popular no Parlamento de Galicia.
A parlamentaria e o alcalde Luis Fernández Guitián reuníronse cunha familia oriúnda do municipio que regresou de Venezuela tras ter residido no país suramericano durante máis de trinta anos e que agora ten o seu domicilio na parroquia de Bolmente Na reunión tamén participou unha inmigrante venezolana que vive actualmente en Doade, onde naceron os seus dous fillos pequenos.
Durante a visita, Arias sinalou por outra banda que a delegación territorial da Xunta conta desde esta semana cunha sede da nova oficina de asesoramento e seguimento do retorno, creada polo Goberno galego para prestar apoio aos emigrantes que regresan á provincia. A iniciativa, engadiu a deputada, enmárcase na chamada Estratexia Retorna 2020, posta en marcha no 2018 co fin de favorecer o retorno dos emigrantes. O Goberno autonómico, segundo indicou Arias, destinou 235 millóns para financiar estas actuacións co obxectivo de «favorecer a volta de 20.000 galegos, dous que ou 60% serán menores de 45 anos».
|
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas