GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

A Xunta destinará 1,3 millóns de euros a programas dirixidos a mulleres en situación de especial vulnerabilidade, entre as que se inclúen as emigrantes retornadas

(17/12/2019)

A Xunta destinará 1,3 millóns de euros a programas dirixidos a mulleres en situación de especial vulnerabilidade, entre as que se inclúen as emigrantes retornadas

 

O investimento para 2020 increméntase en case un 43% con respecto ao orzamento inicial de 2019.

 

Este programa está comprendido dentro do máis de medio cento de medidas que conforman a Estratexia Retorna 2020

Este programa está comprendido dentro do máis de medio cento de medidas que conforman a Estratexia Retorna 2020

 

Listen to this page using ReadSpeaker
 

Santiago de Compostela, 16 de decembro de 2019.

 

O Consello da Xunta aprobou este xoves o investimento de 1,3 millóns de euros nas axudas cofinanciadas polo Fondo Social Europeo para as entidades de iniciativa social sen ánimo de lucro que poñan en marcha programas específicos de recursos integrais de atención especializada dirixidos específica e exclusivamente a mulleres en situación de especial vulnerabilidade.

 

O crédito reservado a estas axudas na convocatoria de 2020 increméntase en case un 43% en comparación coa orde deste exercicio, á que a Xunta destinou unha contía inicial de 910.000 euros. Esta achega inicial ampliouse o pasado xullo con outros 429.477 euros que permitiron aumentar ata as 69 o número de entidades beneficiarias este exercicio. A Administración autonómica investiu nesta orde de axudas máis de 11,6 millóns de euros na última década.

 

Teñen a consideración de mulleres en situación de especial vulnerabilidade as vítimas de violencia de xénero; de explotación sexual-laboral; inmigrantes, emigrantes retornadas ou refuxiadas, pertencentes a unha minoría étnica ou reclusas e ex-reclusas, entre outros supostos.

 

Ao abeiro desta convocatoria subvencionaranse programas que inclúan recursos integrais específicos para mulleres en situación de especial vulnerabilidade xestantes ou lactantes con fillos ou fillas menores de tres anos; e tamén iniciativas de atención personalizada e especializada para aquelas mulleres pertencentes aos colectivos expostos.

 

O programa debe prever unha atención personalizada recollida en proxectos de integración individuais en que se plasmen intervencións específicas a través dalgunha das actuacións obxecto de subvención (atención psicolóxica, asesoramento xurídico, mediación, adquisición de habilidades persoais e sociais e apoio e orientación laboral). A actuación debe ter en conta o diferencial feminino e o fomento da igualdade de oportunidades como elemento básico da atención especializada que deben recibir as mulleres en situación de vulnerabilidade, co obxecto de mellorar as súas expectativas persoais, sociais e laborais de cara á súa integración en termos de igualdade.

 

 

Novas e Actualidade


Titulares
Histórico


 ACTIVIDADES

Xullo 2020
LMMeXVSD
  12345
6789101112
13141516171819
20212223242526
2728293031  
       

Eleccións ao Parlamento de Galicia 2020. Información para o voto dos/as residentes no exterior 04/06/2020-12/07/2020

 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas