(11/12/2019)
Consuelo Rumí afirma que o cambio climático está a agravar a brecha da desigualdade, especialmente nos desprazamentos forzosos
Consuelo Rumí
A Rexión Internacional 10/12/2019
A secretaria de Estado de Migracións, Consuelo Rumí, afirmou hoxe que “o cambio climático está a agravar a brecha da desigualdade, unha inxustiza que se advirte especialmente no caso dos desprazamentos forzosos”.
Consuelo Rumí interveu hoxe na sesión sobre o Cambio Climático e Migracións do Cume do Clima (COP25) que se está celebrando en Madrid desde o 2 de decembro e que contou coa participación de dous expertos na materia, como son François Gemenne, director de The Hugo Observatory University of Liège (Belgium) e Dina Ionesco, directora da División Migración, Medio Ambiente e Cambio Climático da Organización Internacional para as Migracións (OIM).
A responsable do Ministerio de Traballo, Migracións e Seguridade Social fixo mención ás estimacións do Banco Mundial, que aseguran que nos próximos 30 anos o cambio climático expulsará dos seus fogares a máis de 140 millóns de persoas se non se toman medidas para evitalo. “Mitigar os efectos do cambio climático é unha necesidade ineludible que require o compromiso de todos, moi especialmente dos principais emisores de gases”, manifestou Consuelo Rumi, quen tamén chamou a atención sobre a necesidade de mobilizar recursos, intelixencia e compromiso, desde o convencemento de que a suma de esforzos multiplicará resultados.
Reto con enfoque global
Aínda que no marco xurídico internacional das migracións segue sen estar suficientemente contemplada a situación de quenes se ven forzados a abandonar a súa casa debido á degradación ambiental, Consuelo Rumí lembrou o Acordo de París, que vinculou migración e cambio climático, e o Pacto Mundial sobre Migracións, asinado hai un ano en Marrakech, que expón a urxencia de combater fenómenos estruturais identificados como causas de desprazamento forzoso de persoas, entre eles o cambio climático.
“É un reto de gran alcance que ha de abordarse desde un enfoque global - recalcou Rumí-, porque non hai unha solución única para frear o impacto que ten sobre millóns de persoas a desertificación, a degradación das terras, a seca ou a subida do nivel do mar”. Ese enfoque global ha de exporse cunha participación ampla dos gobernos nacionais e locais, con entidades da sociedade civil e coas comunidades afectadas.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas