Programan en Trasdeza o día 10 unha xornada de integración de mulleres inmigrantes

(02/12/2019)

Programan en Trasdeza o día 10 unha xornada de integración de mulleres inmigrantes


lalín / a voz 01/12/2019


En Silleda desenvolverase o día 10 unha xornada de integración de mulleres inmigrantes, organizada polo departamento municipal de Igualdade a través do CIM e subvencionada pola Deputación. Pola mañá e na Casa da Cultura, de 10.00 a 14.00 horas, haberá un taller de sensibilización para este colectivo residente en Trasdeza, onde poidan compartir experiencias e adquirir ferramentas para mellorar a súa integración e as súas competencias sociais.

De 16.00 a 18.30 horas, no centro social silledense, celebrarase unha sesión World Café aberta a todo o público. Unha dinámica que pretende primar a conversación nun ambiente distendido para todas as mulleres interesadas, non só as inmigrantes, co fin de establecer relacións, fomentar a comprensión de situacións alleas ou roles de xénero.