(07/11/2019)
Ampliado ata o domingo, día 10, o prazo para que os españois no exterior poidan votar
Redacción, Madrid | 06 Novembro 2019 - Crónicas da Emigración
A Xunta Electoral Central (JEC) acordou este mércores a ampliación do prazo para que os españois residentes no exterior poidan emitir o seu voto ata o domingo, día 10, de maneira que embaixadas e consulados deberán abrir tanto para aqueles que queiran votar en urna como para recibir os sobres dos que previamente emitiron o seu sufraxio por correo.
O horario especial, segundo explica a JEC, “non poderá estenderse máis aló da hora prevista para o peche dos colexios electorais na península”, é dicir, as 20,00 horas da xornada electoral deste domingo, día 10.
Ademais, este organismo insta a consulados e embaixadas a utilizar todos os medios de que dispoña para remitir os sobres de votación da maneira máis rápida posible ao Ministerio de Asuntos Exteriores.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas