GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Uns 300 migrantes, catro deles mortos, chegaron ás costas españolas en 24 horas

(30/10/2019)

Uns 300 migrantes, catro deles mortos, chegaron ás costas españolas en 24 horas


O maior número de chegadas concentrouse de novo en augas das illas Canarias onde arribaron dúas pateras, con 158 migrantes




A Voz Redacción 29/10/2019


Uns 300 migrantes chegaron ás costas españolas en pateras durante a xornada deste martes, entre os que se atopan catro falecidos cuxos cadáveres foron rescatados no mar cando tentaban chegar en caiuco ás costas de Canarias. Outra persoa que viaxaba na mesma embarcación permanece aínda desaparecida.

O maior número de chegadas concentrouse de novo en augas das illas Canarias onde arribaron dúas pateras, con 158 migrantes, ademais da embarcación con 34 persoas, catro delas falecidas e outra desaparecida, que foi rescatada no mar por un buque que navegaba pola zona. Cruz Vermella xa alertou dun repunte no número de caiucos que chegan a estas illas nos últimos días.

Pero a canaria non foi a única costa que rexistrou este martes a chegada de pateras, que tamén entraron en praias de Alacante e Formentera e outra foi rescatada a 17 millas de Motril (Granada) con 75 persoas a bordo, entre elas unha muller embarazada que se atopaba de parto.

 

Os corpos dos catro inmigrantes falecidos e os outros 29 ocupantes da embarcación irregular foron rescatados polo barco Blue Bird, con bandeira de Singapur. Os migrantes foron rescatados tras ser detectado o caiuco no que viaxaban polo citado barco, que puido ver que se atopaban «con dificultades, con posibilidade de afundimento», procedendo ao rescate dos ocupantes da embarcación.

Tamén esta madrugada, ao peirao dos Cristiáns de Arona, na illa de Tenerife, chegou unha patera con 150 migrantes, dos cales catro deles tiveron que ser trasladados a un centro sanitario con diferentes patoloxías, informa Europa Press. Outra embarcación que chegou a Canarias transportaba a oito homes e foi trasladada ata o peirao de Arguineguín, na illa de Gran Canaria.

Así mesmo, ás costas alacantinas chegaron dúas novas pateras, unha delas a Benidorm, con 12 persoas a bordo, catro deles menores, mentres a embarcación Mirfak de Salvamento Marítimo rescatou ás 14 persoas --13 homes e unha muller--, que ían noutra patera que foi avistada por un pesqueiro a 19 millas ao sueste de Alacante.

En Formentera, tres migrantes presentáronse no posto da Garda Civil e dixeron chegar á illa en patera. Posteriormente, o Instituto Armado localizou a outros tres migrantes no porto de Formentera. A Garda Civil puxo en marcha un dispositivo para localizar outros posibles ocupantes da devandita embarcación.

 

 

Novas e Actualidade


Titulares
Histórico


 ACTIVIDADES

Novembro 2019
LMMeXVSD
    123
45678910
11121314151617
18192021222324
252627282930 
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas