GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

Cemiterios rurais de Terra Chá amplíanse porque emigrantes compran nichos

(28/10/2019)

Cemiterios rurais de Terra Chá amplíanse porque emigrantes compran nichos

 

Parte dos enterros en pequenas parroquias son de veciños que viven fóra

 

 


Vilalba / LA VOZ 27/10/2019

 

Diminúe a poboación rural na Terra Chá, como noutras comarcas, pero amplíanse os cemiterios. Os nichos non só son comprados por veciños de pequenas parroquias, senón que os adquiren tamén emigrantes que conservan o contacto co seu lugar de orixe. Incluso unha parte estimable dos enterros que se celebran ao longo do ano en pequenas localidades son os de veciños cuxos restos repousan onde naceron.

 

Un repaso ás parroquias cuxos camposantos están recentemente ampliados ou próximos a ter máis espazo confirma esa tendencia. Ao primeiro grupo pertence a parroquia vilalbesa de Román; ao segundo, a da Torre, situada tamén no municipio de Vilalba. Tamén están recentes aínda ampliacións como Soexo (Vilalba) ou Baroncelle (Abadín).

 

Félix Villares , responsable da área de Patrimonio da diocese de Mondoñedo-Ferrol, afirma que na maioría das ampliacións hai como causa o interese de persoas que viven fóra por comprar nichos, que polo xeral teñen tres ou catro sepulturas. Aos motivos sentimentais e afectivos únenselles tamén os prácticos, xa que nunha gran cidade pode haber dificultades para atopar nichos, que non só serán máis caros senón que se entregan en réxime de concesión por un determinado número de anos.

 

Eses aspectos non se dan nunha parroquia, e en algunhas, explica Villares , adoita imperar a colaboración entre párroco e veciños: aquel encárgase dos trámites e dos permisos, e estes, da contratación da obra. A cuestión administrativa, agrega, non é trivial, pois se requiren autorizacións de distintas administracións. Villares -que ademais se encarga das parroquias vilalbesas de Belesar, Soexo e Distriz- explica que a Igrexa, na práctica, asume case cuestións das que deberían ocuparse os concellos.

 

Sacerdotes que atenden parroquias da zona rural chairega admiten que persoas que viven fóra adoitan enterrarse nos seus lugares de orixe. Nalgúns casos, incluso hai enterros de persoas que viven no País Vasco, destino de emigrantes de Guitiriz en décadas pasadas, ou en Madrid. Así o recoñecen Óscar Santiago, párroco no municipio guitiricense e no begontino, e Antonio Domínguez, membro da unidade pastoral de Vilalba.

 

O cemiterio da parroquia San Xoán de Lagostellede , á que pertence o centro urbano de Guitiriz, ten xa pouco espazo libre para novos nichos. O que se comentou ultimamente, como explica o párroco, é a posibilidade de instalar un columbario para depositar cinzas de persoas falecidas.

 

 

Novas e Actualidade


Titulares
Histórico


 ACTIVIDADES

Novembro 2019
LMMeXVSD
    123
45678910
11121314151617
18192021222324
252627282930 
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas