GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

A ONU reclama 370 millóns máis para afrontar a crise migratoria venezolana

(24/10/2019)

A ONU reclama 370 millóns máis para afrontar a crise migratoria venezolana

 

O próximo ano a cantidade requirida para atender a situación podería duplicar a deste ano



dpa | Europa Press



La Voz de Galicia
Antonio Broto
xenebra / efe 24/10/2019


Só a metade dos 739 millóns de dólares que a ONU pediu á comunidade internacional para atender a crise migratoria venezolana no 2019 foron recadados, alertaron onte representantes desta organización e da UE, días antes da conferencia de doantes de Bruselas.

O número de migrantes e refuxiados venezolanos noutros países, principalmente latinoamericanos, xa alcanza os 4,5 millóns, polo que a conferencia busca «dar máis visibilidade ao problema nun momento en que algúns países latinoamericanos séntense algo abandonados», dixo o embaixador da UE en Xenebra, Walter Stevens.

A reunión conta co apoio da Axencia das Nacións Unidas para os Refuxiados (Acnur) e a Organización Internacional para as Migracións (OIM), que adiantaron onte que o próximo ano a cantidade requirida para atender esta crise migratoria en América Latina podería duplicar a deste ano.

Unha situación que se agrava

«A situación está a se agravar porque o fluxo non se suspendeu, mentres non se atope unha solución política interna duradeira ese fluxo vai continuar e os países receptores están con orzamentos esgotados», dixo o representante especial de Acnur- OIM para os refuxiados venezolanos, Eduardo Stein.

Stein afirmou que é necesario axudar aos países latinoamericanos a manter sistemas educativos e sanitarios colapsados polo fluxo migratorio, pero tamén investir en comunidades pobres para evitar a xenofobia. Eloxiou ademais os esforzos da rexión por acoller aos desprazados, especialmente de países como Colombia  (onde chegaron 1,4 millóns de venezolanos), Perú (860.000) ou Ecuador (330.000) desde o 2014.

 

O embaixador europeo Stevens lembrou que Latinoamérica vive por mor da situación en Venezuela «a máis grave crise migratoria» na historia da rexión, onde pronto poderían alcanzarse os 5 millóns de desprazados ao actual ritmo de entre 3.000 e 5.000 saídas diarias desde o país. Á conferencia asistirán representantes de Latinoamérica e o Caribe, membros da UE, axencias da ONU, oenegués e entidades financeiras.

 

 

Novas e Actualidade


Titulares
Histórico


 ACTIVIDADES

Novembro 2019
LMMeXVSD
    123
45678910
11121314151617
18192021222324
252627282930 
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas