GALEGO | ESPAÑOL

PORTAL DA INMIGRACION NOS CONCELLOS DE GALICIA
ObxectivosIntegraciónFerramentas
-LexislaciónOrganismos-

A emigración e os vínculos coa Habana, no quinto centenario da cidade cubana

(15/10/2019)

A emigración e os vínculos coa Habana, no quinto centenario da cidade cubana

O Consello da Cultura Galega programa actividades para afondar nunha relación histórica

 

Imaxe da chegada dun barco de emigrantes ao porto da Habana.

Imaxe da chegada dun barco de emigrantes ao porto da Habana.

 


santiago / la voz 15/10/2019

Con motivo do quinto centenario da creación da cidade da Habana, que se cumprirá o 16 de novembro, o Consello da Cultura Galega (CCG) programa unha mostra, mesas redondas e un congreso de cara a afondar na relación histórica que Galicia mantivo coa capital cubana. «Os nados en Galicia chegaron a ser o 9 % da poboación total da Habana», incide Xosé Manoel Núñez Seixas, vicepresidente do Consello da Cultura Galega.

 

As actividades comezan xa hoxe na capital cubana, coa inauguración da mostra «O soño cubano da emigración galega», que visibiliza a presenza galega nesta cidade. En preto de trinta paneis pódese descubrir o perfil dos emigrantes e coñecer o espertar dunha conciencia galega en Cuba que explica que agromaran alí boa parte dos símbolos da identidade galega, como a bandeira, o himno e o escudo. A mostra, que se exhibirá no Gran Teatro da Habana, que foi a antiga sede do Centro Galego, estará acompañada o xoves dunha mesa redonda.

 

Xa en novembro, as actividades desta programación chegarán a Galicia. Os días 7 e 8 do vindeiro mes celebrarase o congreso «A Habana galega: Historia e memorias cruzadas», que revisará a historia da capital cubana en clave galega, os movementos migratorios e tamén as pegadas mutuas entre ambas as culturas. Estará coordinado por Xosé Manoel Núñez Seixas e María Xosé Porteiro, quen tamén son os comisarios da mostra «O soño cubano da emigración galega», que se exhibirá no Museo do Pobo Galego próximamente.

 

 

Novas e Actualidade


Titulares
Histórico


 ACTIVIDADES

Novembro 2019
LMMeXVSD
    123
45678910
11121314151617
18192021222324
252627282930 
       



 AREA DE TÉCNICOS

 Usuario:
 Contrasinal:
 

 
¿Olvidou o seu contrasinal? | Alta

OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO

(c) 2009 FEGAMP, Federación Galega de Municipios e Provincias :: Texto legal
FEGAMPinmigracion@fegamp.es
Xunta de Galicia

Desarrolo: AVA Soluciones Tecnológicas