Os emigrantes retornados queren o mesmo trato no IRPF polas súas pensións

(10/10/2019)

Os emigrantes retornados queren o mesmo trato no IRPF polas súas pensións

Volvéronse manifestar por Ourense para reclamar a derrogación dunha lei tributaria que lles impón declarar a partir dos 11.000 euros de ingresos anuais

Os emigrantes ourensáns retornados continúan coas súas protestas de cada mércores contra unha regulación fiscal que consideran que lles prexudica. Piden que o Goberno derrogue a lei 35/2006, e que se lles aplique o mesmo límite mínimo para presentar a declaración da renda -22.000 euros anuais- que a outros pensionistas. A eles esíxenlles desde un mínimo de 11.000 euros por cobrar pensións doutros países.