Mozos, refuxiados e migrantes de varios países participan nun encontro europeo en Ares

(01/10/2019)

Mozos, refuxiados e migrantes de varios países participan nun encontro europeo en Ares

As actividades céntranse na cooperación entre xeracións

Un grupo de 32 mozos de Suecia, Noruega , Polonia, Romanía, Turquía e España, e refuxiados e migrantes de Siria, Bosnia, Ucraína, Iraq, Somalia, Países Baixos e Estados Unidos participan no intercambio xuvenil Human Stories: Future Glories, que se desenvolve ata o sábado en Ares. Trátase dun proxecto cofinanciado pola Comisión Europea, a través do programa Erasmus+, co que se pretende «sensibilizar á poboación da importancia sobre a cooperación intergeneracional». As actividades comezaron onte e seguirán ata o sábado, cun intenso programa no Casino Aresano. Hoxe, os participantes compartirán cultura, bailes e música con alumnos do CPI As Mirandas e, tras a comida, formarán «unha biblioteca humana», con maiores de Ares relatando as súas historias aos mozos que se sumaron a esta iniciativa.