(14/08/2019)
Unha escultura sobre a emigración para a rotonda de Peinador
13/08/2019
A Deputación de Pontevedra fixo hoxe entrega ao Concello de Mos do grupo escultórico sobre emigración realizado polos alumnos da Escola Provincial de Cantería e que se colocqarán na rotonda de Peinador. As dúas pezas, denominadas "Home de pé co seu fillo" e "Maleta", xa se mostraron na exposición pública "Nado en Pedra" e o propio concello escolleunas para embelecer e dar significado á glorieta. Elaboradas en granito silvestre galego polos alumnos José Luis Fernández Ferradáns e Álvaro Somoza López, respectivamente, a primeira mide 1,85 metros e a segunda baséase na representación da característica equipaxe da emigración.
"Nado en Pedra" foi unha mostra composta por 17 obras de gran tamaño coa figura humana como temática central e percorreron a provincia de Pontevedra co fin de reivindicar o oficio de Cantería e de pór en valor os traballos realizados polos alumnos da escola.
OBXECTIVOS | INTEGRACIÓN | FERRAMENTAS | LEXISLACIÓN | ORGANISMOS | NOVAS | CONTACTO
(c) 2009 FEGAMP, Federación Galega de Municipios e Provincias :: Texto legal
inmigracion@fegamp.es
Desarrolo: AVA Soluciones Tecnológicas