A media de traballadores estranxeiros afiliados á Seguridade Social sitúase en 2.178.269 ocupados en xuño

(19/07/2019)

A media de traballadores estranxeiros afiliados á Seguridade Social sitúase en 2.178.269 ocupados en xuño

Ministerio de Traballo, Migracións e Seguridade Social

19/07/2019

-O crecemento interanual sitúase no 7,49%, con 151.710 máis que hai un ano

-Son 23.120 afiliados máis que en maio, o 1,07% máis

A Seguridade Social rexistrou 2.178.269 traballadores estranxeiros en xuño, 23.120 máis que en maio. No último mes a cifra deste colectivo creceu un 1,07%.

A variación interanual supón un incremento do 7,49%, con 151.710 traballadores foráneos máis que en xuño de 2018.

Do total de afiliados doutros países, os grupos de traballadores máis numerosos proceden de Romanía (361.873), Marrocos (273.901), Italia (131.334) e China (107.282). Séguenlles os traballadores nacionais de Ecuador (75.894), Colombia (73.850), Reino Unido (72.163), Bulgaria (66.465) e Portugal (57.590).

Comunidades autónomas

Castela-A Mancha, seguida de Illas Baleares e Aragón, son as comunidades autónomas nas que máis creceu a afiliación de estranxeiros no último mes, con porcentaxes de incremento intermensual de 12,01%, 7,61% e 7,2% respectivamente. A ocupación de traballadores doutros países aumenta en todas as comunidades autónomas salvo en Andalucía (-9,41%) e a Región de Murcia (-2,87%).

En termos interanuais, a afiliación de estranxeiros sobe en todas as comunidades autónomas. Galicia, cun incremento de 9,05%, e País Vasco (8,99%) son as autonomías que máis traballadores de orixe foránea sumaron no último ano. A continuación sitúanse a Comunidade Valenciana (8,8%), Madrid (8,75%), Cataluña (8,53%), Castela e León (8,25%) e Castela-A Mancha (8,12%).

Por réximes, a maioría dos afiliados estranxeiros está encadrada no Réxime Xeral: 1.830.668 (este dato inclúe o Sistema Especial Agrario, con 240.005 ocupados, e o de Hogar, con 171.903). Séguenlle o Réxime de Traballadores Autónomos, con 342.596 persoas, o Réxime Especial do Mar, con 4.948, e o do Carbón, con 58.

En maio, de entre os afiliados estranxeiros, 1.282.519 traballadores proceden de países de fóra da Unión Europea e o resto (895.750) de países comunitarios.

Da cifra total de afiliados estranxeiros en maio, 1.220.207 son homes e 958.062 son mulleres.

Os afiliados estranxeiros por comunidades autónomas distribúense así: